گلێرۆبیەو شاندو ئیمراڵیی پارتو یەکسانی و دیموکراسیی گەلا (دەم پارتی)، کە پێکئامان جە پەروین بوڵدانۍ و سری سورەیا ئۆندەری و هامسەرۆکو شارەوانی مێردینی ئەحمەد تورکی کە قەیوم یاگێشەنە نریانەرە؛ چنی سەرۆکو گرڎیی پارتو یەنیدەن ڕەفای فاتح ئەربەکانی دمایش پنە ئاما.

دماو گلێرۆبیەکەی جە پەرلەمانەنە، ئۆندەر و ئەربەکان قسێشا کەردۍ. ئەربەکان ئەرەیاۋناش شاندەکە دەربارەو دیدارەکەی زانیاریشا دێنۍ پنە، هەرپاسە شاندەکە جوابو پرسیارەکاشا دێنێوە، واتش: "جوابو پرسیارەکاماشا دەربارەو چن نیگەرانیێوە دێوە، هیواڎارێنمۍ بۆ بە مایۍ خێری".

ئۆندەر ئەرەیاۋناش گۆششا جە پێشنیار و شرۆڤەکا پارتو یەنیدەن ڕەفای گرتەن، واتش: "بەپاو توانای جوابو پرسیارەکاما داوە. گلێرۆبیەیۍ گرنگ بۍ. یاوایمۍ دمایی ئی ماراسۆنیە".

سری سورەیا ئۆندەر ئەرەیاۋناش هەڵای دیار نییا کەی جە بارەو دیدارەکەیشا چنی ڕابەر ئاپۆی و گلێرۊبیەکاوە ئەرەیاۋنای وەڵا مکەراوە.