د. ئیدریس بالوکەن جە گلێرۆبییە و گەلی هامبۆرگەنە، واتش: "گرڏ یاگێنە پەی ئانەی ئی پرۆسە بە ئاشتی بیاوۆنە ئەنجام، مشۆم ئەوەکۆشای بکەرمێ". جانسو ئۆزدەمیرە دەربارەو مەراسیمە تاریخییەکەو گەریلای واتش: "ئێمە بڕواما بە مهنڎیس و پرۆسەکەین".
شار و هامبۆرگو ئەڵمانیاینە بە بەشداری سیاسەتمەدار ئیدریس بالوکەنی و جانسو ئۆزدەمیری، گلێرۆبییە و گەلی ئەنجامدریا.
د. ئیدریس بالوکەن قسیش کەردێ و سەبارەت بە پرۆسەکەی، ئەرەیاوناش دوورگەو ئیمراڵی جە نزیکترین کاتەنە بۆنە سیمبولو ئاشتی و دیموکراسی و واڵە و_برایەتیی، واتش: "گرڏ یاگێنە پەی ئانەی ئی پرۆسە بە ئاشتی یاوۆنە ئەنجام، مشۆم ئەوەکۆشای و دەسو ئێژا ئۆجالانی بەهێز کەرمێنە".
بالوکەن گەشمەرڏا ئازادیی کوردەسانی و ئەندامو شاندو ئیمراڵی سری سورەیا ئۆندەریش یاڏوستیمێ، ئاماژەش پانەی دا کە پرۆسە و ئاشتی بە ئاسانی بەدی نامان.
'گەلوو کوردی چۆکش نەڎان و سەرەش نەنامنانەرە'
بالوکەن ئەرەیاوناش گەلوو کوردەسانی سەرەڕاو سیاسەتو نکۆڵی سەد ساڵەی، حەجگیز چۆکش نەنامنان، واتش: "ئەر ئارۆ باسو ئاشتی و ئازادی مکەرمێ، ئینە سەیە و گەشمەرڏاما و ئێژا ئۆجالانین کە تەمەنش کەرد فیدای ئی گەلەی. کاتێ جوگرافیاکەما سەرجەنۆ مچیۆراوە، گەرەکمانە بە ناسنامە و شکۆو وێماوە ژیومێ. مشۆم بانگەوازەکەو ئۆجالانی خاس یاومێنە".
بالوکەنە جەختش کەردۆ، مشۆم دۆڵەت هەنگامە بنیۆ، واتش: "مەڵامەتو درێژەدای ئی جەنگەیە ئینەن، ئێژا ئۆجالان ٣٠ ساڵێن پێسە و موخاتەبی نەوینریان. مێزە و ئەرەنیشتەی بە ئەوەکۆشای ئاری نریارە. ئی ئەوەکۆشایە بەردەوام بۆنە و بەئاشتی چارەسەر بۆنە".
پەرلەمانتارەو چەپو ئەنجوومەنو فیدراڵی، جانسو ئۆزدەمیرە سەرنجش وست سەر و مەراسیمو سۆچنا و چەکی، واتس: "گەیلاکا ئازادی کە بە سەرمەشقایەتی بەسێ هۆزاتێ ئاما سەر و سەکۆی، بە گرڏ و جەهانیش نیشانەدا کە ژەنی ژیوای ئازادی تەنیا درووشمێوە نییا".
'بڕواما بە گەلی و ئۆجالانی هەن'
ئۆزدەمیرە واتش: "مهنڎیس و ئی پرۆسەیە ئێژا ئۆجالانا. ئێمە بڕواما بە گەلی و ئۆجالانین".
