ئەرەنیشتا کەمپو پەنابەرا مەخموری پیلانگێڵنی ١٥و شوباتیشا دژو ڕابە ئاپۆی شەرمەزار کەرد و واتشا: "ڕاسی ئی ڕووە ڕووێ سیاوا، بەڵام جە سەیەو مڏرامانو ڕابەر ئاپۆیو گەلوو کوردیۆ بۆ بە ڕۊو سەرکۆتەی و جەژنە".
جە١٥و شوباتو ١٩٩٩نە ڕابەر ئاپۆ جە ئەنجامو پیلانگێڵی مییاننەتەوەیینە جە لایەنو هێزە هەژموونوازەکا بە دیل گیریا و ڕادەسو دۆڵەتو تورکی کریا. ئینە ٢٦ ساڵێن ڕابەر ئاپۆ ئینا چێرو گۆشەگیریێ ڕەهاو دۆڵەتو ئەرەگیرییرە.
سەبارەت پی بابەتەیە ئەرەنیشتا کەمپو پەنابەرا گەشمەرڏە ڕۆستەمی جودی (مەخمور) پەی ئاژانسیما قسێشا کەردێ پیلانگێڵنیشا شەرمەزار کەرد.
'ئاڏ ڕۆحو تەمامو گەلوو کوردین'
یۆ جە هاموڵاتی کەمپەکەی ڕەحیم مژنی گرڏو ئا هێزا کە جە پیلانگێڵی ١٥و شوباتینە دەورشا بێ بە تنی شەرمەزار کەرد و واتش: "ڕاسی ئی ڕووە ڕوێوە سیاوا، بەڵام جە سەیەو مڏرامانو ڕابەر ئاپیۆ و گەلوو کوردی بۆ بە ڕۆو سەرکۆتەی و جەژنە. دووژمن ڕابەر ئاپۆش پێسەو کەسێوە زینانی کەرد، بەڵام ئاڏ ڕۆحو تەمامو گەلوو کوردین. کاتێ ڕابەرایەتی ڕادەسوو تورکیای کریا، سەرۆکو تورکیاو ئاکاتەی ئەجەویت واتش "ئێر سەرو تورکیایرە وارۆنە"، ئاکاتە زاناش کەسێوە ئاسایی نییا. چونکە تەمامو گەلوو کوردی ئەرەپڕا. جە حیچ شۆڕشێوەنە کەس پەی سەرۆکەکەیش ئێرس جە گیانو وێش وەر نەران، بەڵام بە هەزاران جوانێ و کوڕێڤکوردی پەی ڕابەر ئاپۆی گیانو وێشا فیدای کەرد و فیدا مکەرا. گەلوو کوردی تا ئیسەیچ بە فکر و فەلسەفەو ڕابەر ئاپۆی ژیوای مکەرۆ. ڕابەرایرپەتیما کەسێوە زانان، ئینەیچ دەسەڵاتداراو و دووژمنی تەرسنۆنە".
جە دماینو قسەکاشەنە ڕەحیم مژنی داواش جە تەمامو گەلوو کوردی کەرد کە پەی ئاشتی و ئارامی مچیانە گۆڕەپانەکانمێڏانەکا و واتش: "جە هەر هەنگاوێمانە مشۆم هێزما بەهێزتەر و چالاکییەکاما فراوانتەر بکەرمێ. گەر پاسە هەڵوێس هورنەگێرمێنە، چارەسەری تێک مشۆنە. حیچ چێوێ دمایش نامان ئەوەکۆشایما سەر جەنۆ دەسش پنەکەرد. چنین سەدام نەمەن، ئەسەدیچ نەمەن، ئارۆ ئەردۆگانیچ مەمەنۆ. سڵام جە مڏرامانو گەلەکەیما جە وەرنیشتەنە مکەرمێ، ماچمێ بە دڵنیاییۆ سەرکۆتەی پەی گەلوو شۆڕشگێڵی بۆنە".
'بە دەیان کەسێ گیانو وێشا فیدای کەرد'
هاموڵاتی سڵێمان شاخی پیلانگێڵی مییاننەتەوەیی جە دژو ڕابەر ئاپۆی شەرمەزار کە٤د و واتش: "١٥و شوباتی ڕوێ سیاو بێ کە سەرو گەلوو کوردیرە ئاما. پیلانگێڵی و دۆڵەتو تورکی گەرەکشا بێ گەلوو کوردی و تەڤگەرو ئازادی جە تاریکنە بازاوە. گەرەکش بێ تەڤگەرو ئازادی کوردی پێسەو شۆڕشەکا وەڵێ سەرکوت بکەرۆ. جە دژو ئانەی گەلوو کوردی ئەوەکۆشایش فراوانتەر کەرد. بە دەیان کەسێ گیانو وێشا فیدای کەرد و بە سەدان هەزار کەسێ مچیێ مێڏانەکا. ڕابەرایەتی نەک تەنیا پارێزناو وێش، پارێزناو گەلی و تاریخی مکەرۆ. دماو ئانەی پیلانگێڵنێ زاناشا کە ئیتر نمەتاومێ سەرو گەلوو کوردی سەرێ گنانە. پیلانگێڵنێ سەرێ نەکەوتێ پەی ئینەی تاوەکو ئیسە پیلانگێڵی بەردەواما".
