گەنجە ئاپۆییەکاو شاروو سنەی بانگەوازێوەنە کدا داواشا وەنەو سەرجەموو ئەرەنیشتاو شارەکەی کەردێنە، کە وێرەگاو ئارۆی چەنی کەردەیۆ ئاویروو چوارشەممە سووری، بە واتەیۆ دروشموو "ژەنی، ژیوای، ئازادی"ی پەیمانە چەنی گەشمەردا تازێ کەراوە.
گەنجە ئاپۆییەکاو شاروو سنەی ئەرەیاوناێوەنە، داواشا وەنەو سەرجەموو هاموەڵاتا چا شارەنە کەردێنە سەعات ٦وو ویرەگاو ئارۆی یەرەشەممە چەنی کەرەیۆ ئاویروو چوارشەممەسووری، بە واتەیۆ درووشموو "ژەنی، ژیوای، ئازادی"ی پەیمانە چەنی گەشمەردا تازە کەراوە.
ئەرەیاونایەکەو گەنجە ئاپۆییاو سنەینە ئامان: "بە هەرمانەو وێماش مازانمێ پاڵپەشتیی مدرامانوو ڕابەر ئاپۆی ئیمراڵینە و گەریلا قارەمانەکا سەنگەرەکاو جەنگینە کەرمێ."
ئەرەیاونایەکە ئینەن:
بە نامێ ونەو گەشمەرداوە
گەلە بەشەرەفەکەما شاروو سنەی وناوینینە پێسە ئاگادارێندێ، ڕژیمی ئەرەگیرکەروو ئێرانی بە درێژایی ئی ساڵا گەرەکش بییەن بە گەشمەردەکەردەی ڕۆڵەکاما و قەنارەدایشا، دەنگی ئازادیوازانەیما کپ کەرۆ. بەڵام بە سەرمەشقیی گەریلا قارەمانەکاما هەمیشە پیلانە چەپەڵەکێش شکس مارا.
ئێمەیچ پێسە گەنجە ئاپۆییاو شاروو سنەی بە هەرمانەو وێماش زانمێ پاڵپەشتی مدرامانوو ڕابەر ئاپۆی ئێمراڵیینە و گەریلا قارەمانەکا سەنگەرەکاو جەنگی کەرمێ.
پی بۆنەوە داوا وەنەو گەلەکەیما شاروو سنەینە کەرمێ، سەعات ششوو وێرەگاو ئارۆی چەنی ئایرکەردەیۆ چوارشەمەسووری بەیا سەروو جادە وناوییەکاو شاری و بە واتەیۆ درووشموو ژەنی، ژیوای، ئازادی-ی پەیمانمانە چەنی گەشمەردا تازێ کەرمێوە.
"گەنجە ئاپۆییەکاو شاروو سنەی".
