گەریلا گەلهات گابار کە ئەنداموو هەپەگەین واتش، دژو هجوومەکاو دەوڵەتوو تورکی بەرڎەوامۍ با جەمدرامانی و دەسنیشانش کەرد، کە تا گەریلاێوە مەنۊ مەتاوا بەئاسانی کەشەکاو کورڎسانینە مەناوە.
ساڵەو ٢٠٢٣ێنە کەشەکاو کورڎسانی بیۍ بە یاگۍ جەنگێوە گەورەی و مدرامانێوە تاریخیی. یۊ چا گەریلایا کە بەشدارییش کەرڎەن چا جەنگەنە گەریلا گەڵهات گابارا، گەریلا گەڵهات گابار باسوو کاریگەرییەکاو کۊشیای ئازادییش کورڎساننە و سەرکەوتەیەکاش کەرڎۍ.
گەڵهات گابار سەرنجەش وستە سەروو گۊشەگیرییەکاو سەروو ڕابەروو گەلوو کوردی عەبدۊڵلا ئۊجالانی و واتش: "ماوێوە فرەن حیچ زانیاریێوە سەروو ڕابەر ئاپۊی دەس نەکەوتەن، بێگۊمان ئینەیچە بێتاقەتێما کەرۊ. ڕابەرما ئیمراڵینە سەرەڕاو گرد نۊعە ئەشکەنجێوە سەرە مەکۊمنۊرە، دوژمن گۊشەگیرییەکا زیادۍ کەرۊ و گەرەکشا گەریلای لاواز کەرۊ. وەلۍ گەریلا وەراوەروو دوژمنینە ساڵەو ٢٠٢٣ مدرامانێوە گەورەش کەرد. ئی مدرامانە ئەنجاموو ڕەنجوو هامڕا گەشمەرڎەکامانە. گرد هەلومەرجێوەنە و وەراوەروو گرد هجوومێوەنە هامڕێما مدرامانێوە تاریخی کەرا. دەوڵەتوو تورکی پڕوپاگەندەو سەرکەوتەی وێش کەرۊ، وەلۍ مەتاوۊ وەراوەروو مدرامانوو گەریلایوە هەنگامێوەیچ بنیۊ. دۊژمن ئاندە بە تەکنەلۊژیاو وێشرە نازۊ و ئجۊش کە متاوۊ بە تەکنەلۊژیاکەیش بۊ بە وەربەس بەربەست وەرڎەموو تەڤگەری و چالاکییەکامانە، وەلۍ گرد لێوە دیشا، کە تەنیا وێش خەڵەتنۊ. گەریلا پێسە هێزێوە فیدایی پرۊفیشناڵی بە تاکتیکی تازە دوژمنی ماڕۊ. سەروازاو تورکی دلۍ تەرسۍ و ڕاڕایی گەورەینە مژیوا. باوڕ و ئیرادەشا بییەن بە تەکنەلۊژیا و تەنیا پەشتی بە تەکنەلۊژیای بەسا. وەلۍ ئێمە ئا تەکنەلۊژیاما ماڕان. چێش بۊ با بۊ، گەریلا هەمیشە وەراوەروو ئا هجوومانە مدرامانێوە تارێخیی کەرۊ وەرڎەموو ئەرەگیرییەکاو دەوڵەتوو تورکینە هەمیشە بۊ بە وەربەس. تا گەریلێوە مەنۊ کەشەکاو کورڎسانیوە دوژمن مەتاوۊ بەئاسانی چۍ مەنۊوە. با دەوڵەتوو تورکی خاس بزانۊ، کە ئێمە حیچ وەخت وێما تەسلیموو دوژمنی مەکەرمۍ و سەرمڕ ئینایمۍ مدراماننە".
