٢٠ گەنجۍ کوردی کە پۍ ۋەرپەرچدایۆ سیاسەتەکا قڕکەرڎەی دەوڵەتوو تورکی لووۍ دلۍ ڕیزوو گەریلایۆ، خولوو پەروەردەیشا ۋیەرنا. گەریلا تازەکۍ دژوو ئەرەگیرکەرڎەو کوردسانی، داواشا کەرڎە کە جەنگوو ئازاڎیی بە گوڕتەر کریۆ.
٢٠ گەنجۍ کوردی کە بەشدارییشا جە دلۍ ڕیزەکاو گەریلاینە کەرڎەن، پەروەردەو ۋېشا تەمام کەرڎ و داوایێشا ئاراسەو گەلوو کوردی و گەنجا و ڕای گرڎی کەرڎ.
گەنجەکۍ بە ئەرەیاۋنېوە باسشا چانەی کەرڎەن کە ئاڎۍ پېسە گەنجا وڵاتپارێزوو کوردسانی جە دژوو سیاسەتوو قڕکەرڎەی دەوڵەتوو تورکی ئەرەگیری و جە هەمان وەختەنە پۍ پێشوازیکەرڎەی جە ٤٦ەمین ساڵیاڎوو ئەرەمەرزناو پەکەکەی بەشدارۍ ریزەکاو گەریلای بیۍ.
'پۍ گوڕدای بە جەنگوو ئازاڎیی بەشداری جە ریزەکاو گەریلاینە کەردۍ'
جە ئەرەیاۋناکەینە ئامان، کە ئەرەگیرکاری تەنیا بە کۊشیایۍ بەقوەت شکسش پنەمۍ و پی جۆرە ئامان، "ئێمە دژوو درووەکاو جەنگوو تایبەتوو دەوڵەتوو تورکی، ئامایمۍ ئېگە. مشۊم گرڎ گەنجێوە کوردی ئا هەڵوێستەو ئێمە پۍ ۋېش کەرۆ بە نمونە. ئەرەگیری وەڵۍ گرڎ چېوێنە تەنیا بە کۊشیای دلۍ ریزەکاو گەریلاینە دلېنە مشۆ. حەرپۊکەی ئێمە داوا جە کناچە و کوڕە گەنجەکا کوردسانی کەرمۍ؛ مشۊم بەیا بەشداری جە ریزەکا گەریلاینە کەرا. ئێمە پېوەرە ئازاڎیی جەستەیی ڕابەریما مسۆگەر کەرمۍ، گەلی و وڵاتەکەیما جە چەوەسنایۆ ڕزگار کەرمۍ. ۋەروو ئانەی کوردسان کۆلۆنیە و ئەرەگیرکریان، کۆلۆنیېوە سەروازییا. حەرپۊەکەی رزگاری کوردسانی تەنیا بە کۊشیای سەروازی دلۍ ڕیزەکاو پەکەکەینە دەسەبەر بۆ. بێ گومان سەرمەشقی و ۋەرپرسیاریەتی ئانەی وەڵۍ گرڎ کەسېنە ئینا ئەستۆو کناچا و کوڕە گەنجەکا کوردسانینە. مشۊم ئاڎېچ عال بزانا کە گرڎ بەشداربیەیۍ دلۍ ڕیزەکاو گەریلاینە، دژوو دوژمنی ون مجی گورزێوەن. حەرپۊکەی بەیدۍ ئێمە گردما گوڕ بە جەنگوو ئازاڎیی بڎەیمۍ و سەرۍ گنمۍ".
