گەریلا تی ڤی دما بەشوو دیمەنەکاو ئۆپراسیۆنی شۆڕشگێڵنی گەشمەرڎۍ لەیلا ئامەدېش وەڵاکەرڎۆ، کە ٢٦و تشرینوو دووەموو ٢٠٢٣ جە لایەنوو گەریلاکاو ئازاڎیی کوردسانیوە ئەنجامدریا. جە دیمەنەکەنە گەریلاکۍ چەک و کەرەسە سەروازییە گیریایەکا نیشانە مڎا.

ناوەنڎوو ئەرەیاۋنا و چاپەمەنی هەپەگەی وەڵتەر ئەرەیاۋنابېش، کە جە ئاکاموو ئۆپراسیۆنی شۆڕشگێڵنینە ١٨ سەروازۍ تورکی سزادریېنۍ و سەبارەڎ پا چەک و کەرەسە گیریایایچە ئەرەیاۋناش "هێزەکېما سەروو جەنازەو ئەرەگیرەکاوە چەکێوە نیم ئۆتۆماتیکی بی کەی سی، بۊمبشانېوە، ٢ چەکۍ سوکۍ ئێم پی تی- ٥٥، ١٢ مەخزەنۍ چەکی ئێم پی تی- ٥٥، مینۍ ، ٢ دووربینۍ چەکی، تەلەفونێوە گەورەی مانگەی دەسکردۍ، ٢ تەلەفونۍ، دوربینێوە تەرماڵ، ٢ پاوەربانکۍ، ٤ بەرگۍ دژە ئاوۍ، دووۍ قەمسەڵۍ، هێلەکێوە سەروازی، قاتێوە جلۍ سەروازیۍ، کلیتېوە سەروازیە، جانتېوە فریاگوزاری تەندروستی، تەرمۆزېوە، هیتۍ دەسکێشۍ و دووۍ کاردی دەسشا سەرەرە گیریان".