جە هەرێموو گارەینە گەریلاکاو ئازاڎیی کوردسانی ٤٥ەمین ساڵیاڎوو ئەرەمەرزناو پەکەکەیشا بە مەراسیمێوە هەیبەتدار مبارەک کەرڎ. حەرپاسە یۊ جە فەرماندەکا هەپەگەی بە نامۍ ڕۆژهات موشی پەیاموو "حەجگیز نمازمۍ ئاڵاو پەکەکەی گنۊ سەروو زەمینی"ش وەڵاکەرڎۆ.
گەریلاکاو ئازاڎیی کوردسانی جە مېڎانوو گارێی سەربە هەڕێمەکاو پارېزنای میدیاینە ٤٥ەمین ساڵیاڎوو پارتوو کرێکارا کوردسانی پەکەکەیشا بە مەراسیمێوە هەیبەتدار مبارەک کەرڎ.
مەراسیمەکە بە دەیەقېوە ڕێزگېرتەی جە یاڎوو پاکوو گەشمەرڎا ئازاڎیی کوردسانی دەسشپنەکەرڎ و دماتەر یۆ جە فەرماندەکا هەپەگەی، ڕۆژهات موش قسېش کەرڎۍ. موش ۋیرش ئارڎۊ کە ئارۊ ٤٥ ەمین ساڵیاڎوو ئەرەمەرزناو پەکەکەیا و واتش: "ئێمە سەرەتا ئی ڕووەیە جە ڕابەروو گەلوو کوردی عەبدوڵڵا ئۆجالانی، کە بە ڕەنجێوە گۊرۆ پەکەکەش ئەرەمەرزنا مبارەک کەرمۍ. جە کەسایەتی حەقی قەرارینە، گرڎوو ئا گەشمەرڎا کە بەشڎاریشا کەرڎەن جە ئەرەمەرزناو پەکەکەی و ڕەنجېوە گۊرەشا کېشتەن ۋیرمارمېوە و ساڵیاڎوو ئەرەمەرزناو پەکەکەی جە گرڎوو ئا گەشمەرڎاو ئازاڎیی مبارەک کەرمۍ. ساڵیاڎوو ئەرەمەرزناو پەکەکەی چا کەسا کە چنی پەکەکەی ئینۍ کۊشیاینە، ئەڎاو گەشمەرڎا و جە گرڎوو گەریلاکاو ئازاڎیی مبارەک کەرمۍ.
فەرماندە موش دەسنیشانش کەرڎ کە پەکەکە تا ئیسە دژوو سیاسەتوو ئینکاری و دلېنەبەرڎەی، کۊشیایۍ سەرەمڕە بە ئیراڎە و باوەڕێوە گۊرە بەرۊڕاوە و دەسنیشانش کەرڎ کە پا ئیراڎەو هەلوێسەو یوۋەم ڕۆو تەڤگەری ئازاڎیی یاوان پی ئاستەو ئیسەی.
موش واتش: "پەکەکە ئشناسنامە، هیوا و ئیراڎەو گەلوو کوردیا" و دەسنیشانش کەرڎ کە پەکەکە هەر مەنۊ و بەردەوام بۊ جە کۊشیای. موش واتش: "پېسە گەریلاکاو ئازاڎیی کوردسانی، ئەگەر ئێمە جە ۋەران ۋەروو جەنگېوە گۊرەینە جە کوردسان مدرامان کەرمۍ و جەنگ کەرمۍ، ئانە جە سایەو سەرەو گەشمەرڎەکامانە. ئەگەر هەڤاڵ ڕۆژهات، ئەرداڵ ناوەنڎوو ئەنقەرەینە چالاکیېوە گەورە ئەنجام مڎا، ئانە جە سایەو سەرەو ئا ڕۆحەینە کە ڕابەر ئاپۆ بە ئێمەش بەخشان". پېسە گەریلاکاو هەپەگەی و یەژا ستاری جارێوەتەر وەعد مڎەیمۍ کە پەکەکە هەمیشە مەنۆ و ئاڵاو پەکەکەی حەجگیز مەوەزۊرە."
مەراسیموو گەریلاکا بە دڕوشمەکا "بژیۋۆ سەڕۆک ئاپۆ"، "بە گیان، ۋنی چنیتەنمۍ ئەی سەرۆک"، "بێ سەڕۆکی ژیۋای مەبۆ"، 'ژەنی، ژیای، ئازاڎیی" و "بژیۋۊ پارتوو کرێکارا کوردسانی" دمایش پنە ئاما.
