زنار ئاڤجی کە شارو سەرهەڵدانو کوردستانی, نسێبیننە ئامان دنیاوە، گەنجینە بەشڎاریی ڕیزەکاو گەریلای بۊ. بە ئازایەتی و فیداکاری ئشناسیابۍ. بەشڎاریی فرەو ئا چالاکییا بۍ، کە گورزی قورس وەنەو دەوڵەتو تورکی دریا.
گرد چەمێوە جوانییەکا مەوینۊ و هەستشا پەنە مەکەرۊ. دڵە جوانەکۍ متاوا جوانیی وینا، هەستش پەنە کەرا. پەوکای گرد کەس جە جوانی و گرنگیی جوگرافیاو کوردستانی مەیاوۊنە تێناگات، تەنیا ئانۍ وەششا گەرەکا ویناش و گیانشا پەیش فیدایی کەرا. یۊ چا قارەمانا زنار ئاڤجی بۍ.
تاریخو کوردستانینە، بەتایبەتی تارێخو پەکەکەینە، بڕۍ شارۍ وهەرێمۍ هەنۍ، کە جە واوەی گەشەپەنەدای کۊشیای گەلو کوردینە دەورێوە یەکلاییکەرەوەشا بییەن. نسێبین یۊن چا هەرێما، کە ١٩٩٠نە، کە دڕندانەتەرین هجووکاو دەوڵەتو تورکیش چەنە کریان، گەلو نسێبینی دژو ئا زوڵمەیە مردیوە و سەرمەشقایەتیی فرەو مدراماناشا کەرڎەن.
ئی سەرەورڎایە بی بە ئەوەڵو ئازادی کوردستانەنە. زنار ئاڤجی (زنار باگۊک) جە بنەیانێوە وەڵاتپارێزنو ئی مەنتێقە سەرهەڵدێرەیە نسێبیننە پەیدا بییەن. پی کولتوور و نەریتو مدرامانیوە گەرورە بییەن.
زنار ئاڤجی جە گەنجینە جە سیاسەتە تایبەتەکاو جەنگو دەوڵەتو تورکی یاوابێنە، هەوڵۍ دۍ گەنجاو دەوروبەریش بەوردی چی سیاسەتا بیاوانە. بە شێوێوە چالاکانە بەشڎاریی هەرمانۍ گەنجانێنە کەرۍ، سەرمەشقایەتیی هامتەمەنەکاش کەرۍ. تووڕەییش وەراوەرو هجوومەکاو دوژمنی پەی سەرو گەلو کوردی ڕۊ بەڕۊ زیاتەرۍ بێنۍ و دماتەر پەی چارەسەری جە ساڵەو ٢٠١٥ بەشڎاریی ڕیزەکاو گەریلای بی، هەرێمو بەستاینە بەشڎاریی پەروەرڎەی سەرەتایی بۊ. گەریلا زنار جگە جەسەرکەوتەی هیچ ئەنجامێوە تەر قبووڵ نەکەرۍ و سەرو بنەماو فەلسەفەو ڕابەر ئاپۊی کەوتەبۍ کۊشیای. پەی هامڕا زناری ئەخلاق و کولتوورو پەکەکەی خەتەی سوورە بۍ.
هامڕا زنار کە جە ڕووەو سەروازییوە وەڵێکەوتە بۍ جە ڕووەو تاکتیکو جەنگیچۊ سەرمەشقایەتیی هامڕایاش کەرۍ. گەریلا زنارسەرو جەنگو گەریلای ئەوەکۊڵیای قووڵ کەرۍ، جە گردو بوارەکاو کۊشیاینە وەڵێکەوتە بۍ و بیەبۍ بە جەنگەوامێوە چەنەئاما و بەئیرادەی قەوەت. بەرڎەوام هێز و مۊڕاڵش بە هامڕایاش بەخشۍ و جەنگەنە بە کەسێوە یارا ئشناسیابۍ. بە ڕۊحێوە فیداکارانە و کاریگەرانەو دژو دوژمنی چالاکیی کەرۍ، بە ئازایەتیی وێش سەروازاو دوژمنی ماڕۍ. پەی ئازادیی خاکو کوردستانی، ماوێوە کەمەنە وەرپەرسبییەی گەورەش گێرتەبۍ گەرڎەن و هەرمانۍ قورسۍ کەرۍ و چەنی بڕۍ هامڕایاش، 11 حوزەیرانو 2018، هەرێمو بەستاینە شڕناخ، دژو سوپای ئەرەگیرەو تورکی گنۊ دلۍ جەنگێوە قورسیوە. هەڤاڵ زنار باگۊک چەنی ٨ هامڕایاش ئازایانە گژیا و گەشمەرڎۍ با، پەی نرخەمەبارەکەکا گیانو وێشا فیدا کەرد و میراتێوە گەورەو مدرامانیشا دماو وێشاوە جیا ئاست.
