شاروو سیدنی ئوسترالیاینە بۊنەو ٣٦ ەمین ساڵیاڎوو کۆمکوشی هەڵەبجەیۆ مەراسیمێوە لوواڕاوە. یادەکە جە ناوەنڎوو گلێرگەو دیموکراتیکی کوردی (دەکتەم)ینە بە سەیەقێوە ڕێزگێرتەی جە گەشمەرڎا هەڵەبجەی دەسش پنە کەرد.

هامسەرۆکوو دەکتەمی تەیمور تەتوان جە مەراسیمەکەنە واتش: "ئانۍ پەشتگیری سەدامیشا کەرد پۍ کیمیاۋارانوو هەڵەبجەی و دەیان هەزار کوردێشا بە کیمیاۋیی گەشمەرڎۍ کەردۍ، جە هەرێمەکاو پارێزنای مەدیایچەنە دژوو گەریلاکا ئازاڎیی کوردسانی بە پشتگیریکەردەی جە ڕژێموو ئەردۆگانی تاوانەی مرۆڤایەتیە ئەنجام مڎا و چەکی کیماۋیی بەکارمارا، بانۍ بە هامبەشوو تاوانۍ. گەل پۍ ئانەی هەڵەبجێوەتەرش نۍ ملەرە، پێویسا زیاتەر جە گرڎ وەختۍ جەدەوروو ڕابەر ئاپۆی و پەکەکەینە کۊبۆوە".

جە مەراسیمەکەنە شیعرەو شێرکۆ بێکەسی دەربار بە کۆمکوشی هەڵەبجەی ۋنیاوە، دماتەر کوڵە فیلمێوە سەبارەڎ بە کۆمکوشی هەڵەبجەی نیشانەدریا.