جە شارەوانی گۊرەو تۊسکانیی داریۊ ناردێلای ئیتالیای بە بەشڎاری کۊمیتەی کورڎی تۊسکانی، نۋیسینگەو زانیاری رۊمای، مانگەو سورو کورڎسانی جە ئیستالیا، ئینتەرناسیۊناڵیستە ئیتاڵییەکۍ، دۊسا کورڎی، رێکوزیا مرۊیی و سەربەخۊکۍ، کۊمیتەو ئارجی و ئامپفی بەرنامەو یاڎکەرڎەیۊکەی و بەخشاو خەڵاتەکەیشا سازکەرڎ.

خەڵاتو 'گیگلیۊ دی ئۊرۊ' ی دماو ١٠ ساڵا یوۋەمجارا بە قەرارو ئەنجومەنو شارەکەی و سەرۊک شارەوانی تۊسکانی بەخشیۊ بە گەشمەردۍ "هەڤرین خەڵەف"ۍ. "هەڤرین خەڵەف"ە کە بە شناسنامەو ژەنبیەو ۋېشۊ بە شېۋېوە چالاک بەشڎاریش جە سیاسەتینە کەرڎ، جە ١٢و تشرینو یوۋەمو ٢٠١٩ ی بە شېۋېوە وەحشیانە جەلایەنو چەتەکا سەربە دۊڵەتو تورکیۊ گەشمەرڎۍ کریا.

خەڵاتو 'گیگلیۊ دی ئۊرۊ' ی بە ماناو گوڵو هێماو فلۊرانسی مۍ، ئا خەڵاتە رادەسو واڵۍ و واڵەزاو گەشمەرڎۍ "هەڤرین خەڵەف"ۍ کریا.

جە مەراسیمەکەنە جە بارەو قارەمانی "هەڤرین خەڵەف"ۍ و ئاخېزو ۋەرنیشتی کە بە وەڵېوەبیەو ژەنا جە جەهانەنە بیەن بە نمونە، قسۍ کریۍ.

هـ . ش