زەینەب کناجی (زیلان)ە، ٣٠ حوزەیرانوو ١٩٩٦ دێرسیمنە چالاکیێوی فیداییش دژوو دەوڵەتوو تورکی کەرد و گەشمەردێ بییە، ٢٨ەمین ساڵیادوو گەشمەردەبییەیشنە بە سەرمەشقایەتیی تاژێ شەنگالەنە یادە کریاوە.

دماو دەیەقێوە ڕێزگێرتەی وەنەو گەشمەرداو  کۆشیای ئازادیی ژەنا، ئەندامەو کۆردیناسیۆنوو تاژێ، نەعیمە بەدەلە تیشکەش وستە سەروو کۆشیای و گرنگیی چالاکییەکەو گەشمەردە زیلانێ، واتش: "دوژمناو گەلوو کوردی ساڵەو ١٩٩٦ گەرەکشابێ بە شێوێوی جەستەیی ڕابەر ئۆجالانی و تەڤگەروو ئازادیی دلێنە ببەرا، بەڵام زیلانە بە چالاکییە فیداییەکەیش جوابوو ئا ئەوپیلانگێڵییەیشە داوە، مشۆم مانا بدەیمێ بە هەر گەشمەردێوە، کە گیانوو وێش پەی ئێمە بەخت بکەرۆ، پێویسا گرد لایێوە خاوەنداریی جە یادوو گەشمەردا بکەرمێ، ئینەیچە ئانەنە، کە ڕابەر ئاپۆی جە ئێمە گەرەکا".

دمایی سینڤزیۆنێوە دەربارەو کۆشیای و چالاکییەکەو گەشمەردە زیلانێ نیشانە دریا، دماتەر ناوەندوو ستیا نەخشا شەنگالی چند سروودێوی تایبەت بە گەشمەردا و گەشمەردە زیلانێشا پێشکەشێ کەردێ.

مەراسیمەکە بە درووشموو "گەشمەردێ نمەمرا"ی دماییش ئاما.