ئاسایش بارەو تەقایوە و سۆتەی سەیارێوە سلێمانیینە ڕۆشنش کەردۆ
سلێمانیینە سەیارێوە تەقاوە و پێسە ئاسایشی ئەرەیاونان، دووێ کەسێ بریندارێنێ، هەڵای سەبەبوو تەقایۆکەی نەزانییان، ئەوەکۆڵیایچ جە ڕووەدایەکەی بەردەواما.
دەزگاو ئاسایشوو هەرێم- سلێمانى بارەو تەقایوەو سەیارێوە سلێمانىینە ئەرەیاوناێوەش وەڵا کەردۆ.
ئەرەیاونایەکەنە ئامان، سەعات ١١:٣٠ وەڵی نیمەڕۆو ئارۆی سەیارێوە کیا سپۆرتاجی چەرمە نزیکوو میران سیتى-ینە تەقاوە..
ماجا ئیساتێچ سەبەبوو تەقایوە سەیارەکەی نەزانییان.
باسوو ئانەیچ کریان کە سەیارەکەنە دووێ کەسێ بریندارێ بیێنێ، یۆشا سایقوو سەیارەکەین و ئەوشا چەنیش بییەن.
ئانەیچش وستەن ڕووە، ئیساتێنە ئەوەکۆڵیای جە سەبەبوو تەقایۆکەی بەردەواما.
