کۆمیسیۆنوو زارۆڵا و کۆمیسیۆنوو کۆچبەرا و پەنابەراو دەم پارتی جە ئەرەیاوناێوی نویسیانە داوا وەنەو  ڕای گردینی مکەرۆ، وەراوەروو هجووموو زارۆڵە پەنابەرانە هەڵوێست نیشانە بدانە.

ئەرەیاونایەکەنە ئاماژە پانەیە کریان کە هجووم و تندوتیژی پەی سەروو پەنابەراو سوری بەردەواما و زیاتەر بییەن، فاڕیان پەی بەرنامێوی و سەراپاو تورکیاینە وەڵا بییەنۆ و ماچۆ: " ئەنجامەنە، ئەنتاڵیانە زارۆڵێوی سووری ١٧ ساڵە بە نامێ ئەحمەد حاندان نایفیوە لاوکۆمەڵێوی نەژاپەرسیوە کوشیا. تندوتیژی وەراوەروو پەنابەرا و زارۆڵاو پەنابەرانە پلانەش پەی مجیانەرە. ئاشکران کە ئاکەپە و هامکارەکێش ڕێکوزێ شاریاوێ یا ئاشکرێنێ، پەشتیوان و تاکە بکەرا. مشۆم ئا کەسێ ورمکوانە سەروو یانەو پەنابەرە سوورییا و مداشا وەنە و یانە و هەرمانگەکاشا مسۆچنا، بێ سزا مویەرا".

ئەرەیاونایەکەنە هجووموو سەروو پەنابەرا و زارۆڵە پەنابەرانە شەرمەزار مکریا، ماچۆ: "بڕواما پاسنێنە، قسەکێ و سیاسەتوو ئی دمایە دەسەڵات دەربارەو سوریای، لکەدریان پی ڕووەدایاو دماییوە. بانگەواز وەنەو ڕای گردینی مکەرمێ دژوو زوانوو قینەی و ڕووەدایەکاو تندوتیژی  پەی سەروو زارۆڵا و بەتایبەت زارۆڵاو پەنابەرا، مافوو ژیوای و پێوەژیوای بپارێزنا".