جە درێژەو پیلانە لەشکرکێشییەکەیشەنە هرووژمەکۍ دەوڵەتوو تورکی ئەرەگیری پەی سەرو پانیشتوو کورڎەسانی بەردەوامێنۍ، چا چوارچێوەیچەنە بە پاو هەواڵێوە رۆژنیوزی شەوەی ۋییەرڎۍ، دەوڵەتو تورکی مېیانوو دەگاو گوهەرزی سەر بە ئامێدیش تۆپۋاران کەردە.

بەپاو زانیارییەکا، بەمەڵامەتوو بۊردوومانەکەو دەوڵەتوو تورکیوە زەرەر ۋەرو چنڎین یانا و ترۆمبێلا هاموڵاتییا دەگاکۍ کۊتەن.

حەرپاسە، بەپاو وێنەکا، کە وەڵۍ کریێنێوە زەرەرۍ فرە بە یانەو هاموڵاتیا یاوان و بەرە و پەنجەرەکېشا مەڕیێنۍ.

بە مەڵامەتوو ئا هجووماوە تەرسی و دڵەتەپۍ دلۍ هاموڵاتیا ئەرەنیشتا ئە دەگێنە وەڵابیەنۆ و زاوڵۍ تا سەعبۍ تەرسینە وەرمشا نەکۊتەن پۊرە.

یاگۍ ئاماژەینە، ڕووانە دەوڵەتو ئەرەگیروو تورک سەڎان سەروازۍ و زرێپۆشۍ و ترۆمبێلۍ سەروازیۍ ڕەوانەو خاکوو پانیشتوو کورڎەسانی و عێراقی مکەرۆ، بەڵام ۋەرپەرسا عێراقی و هەرێمی بێدەنگیشا هۊرچنیەن و چەمۍ ۋێشا جە ئاستوو ئەرەگیرکەردەی خاکینە وستەنەرە.