بە بەشداری دەیان چالاکوانی ئەڵمانی و کوردستانی بە درووشمی "ئازادی بۆ ئۆجالان" لە هۆڵی (Berlin Haus der Demokratie)، لە چواچێوەی پارادایمی ڕێبەری گەلی کورد عەبدوڵا ئۆجالان پانێڵێک ئەنجامدرا.

چالاکوان و ڕۆژنامەنووسی ئازاد، تیم کروگەر وەک پانێڵیست بەشداری چالاکییەکەی کرد، کروگەر ڕایگەیاند ڕێبەری گەلی کورد عەبدوڵا ئۆجالان بە تیۆری خۆبەڕێوەبەری دیموکراتیک و کۆنفیدراڵیزمی دیموکراتیک کە ساڵانی ٢٠٠٠ پێشی خستووە، ڕێگەی بۆ بزووتنەوەی شۆڕشگێڕیی جیهانی خۆش کرد، گوتی: "پێویستە ئەم بابەتە بەشێوەیەکی بەرفراوان بە گەلانی جیهان ڕابگەیەنرێت".

کروگەر ڕایگەیاند، گەلی کورد لە تەواوی مێژووی کۆماردا لەلایەن دەوڵەتی تورکەوە هەردەم ڕووبەڕووی کۆمەڵکوژی و قڕکردن بووەتەوە، مافە بنەڕەتییەکانی کورد وەک قسەکردن بە زمانی خۆیان، پێشێل کراوە. هەروەها تیشکی خستەسەر هۆکاری دەرکەوتنی بزووتنەوەی نەتەوەیی کورد.

چالاکییەکە کاتژمێر ١٨:٠٠ دەستی پێ کرد و کاتژمێر ٢٠:٠٠ کۆتایی هات.