پارێزەران بەمەبەستی دیدار لەگەڵ رێبەر ئاپۆ داواکارییان بەرزکردەوە
پارێزەرانی نوسینگەی یاسایی سەدە بۆ دیدار لەگەڵ رێبەر ئاپۆ سەردانی داواکاریی گشتیی کۆماری لە بورسا و بەڕێوەبەرایەتی زیندانی ئیمراڵییان کرد.
پارێزەرانی رێبەر ئاپۆ بۆ ئەوەی بتوانن موەکیلەکەیان ببینن، جارێکی دیکە داواکارییان پێشکەش کردەوە. داواکارییەکە لەلایەن پارێزەرانی نوسینگەی یاسایی سەدە رازیە ئۆزتورک، رەزان ساریجا، فایەق ئۆزگور ئەرۆڵ و مەزڵوم دینچ خرایەڕوو.
پارێزەران بۆ گەیاندی داواکاری دیدار سەردانی داواکاریی گشتیی کۆماری لە بورسا و بەڕێوەبەرایەتی زیندانی ئیمراڵییان کرد و بۆ دیدار لەگەڵ موەکیلەکانی دیکەشیان لە ئیمراڵی؛ عومەر خەیری کۆنار، حامیلی یەڵدرم و وەیسی ئاکتاش هەمان داواکارییان تۆمار کرد.
لەماوەی ٨ ساڵدا لانیکەم ١٤ جار و هەر جارێک بۆ ماوەی ٦ مانگ قەدەغەی دیدار لەگەڵ پارێزەران بۆ رێبەر ئاپۆ بڕاوەتەوە.
