یووە جە پەشتیوانا هەڵمەتەی جەهانیێ "ئازادی پەی عەبدوڵا ئۆجالانی، چارەسەری پەی پرسو کوردی" پەرلەمانتارەو ئەوسکال هیرا بیلدویی جە پەرلەمانو هەرێم خۆسەری باسکی ئۆیسان تیابارێتا دەربارەو سیستەمو قڕکەردەی گۆشەگیری و مشتومڕەکا ئی دماییەو سەرو پرسو کوردی پەی ئاژانسیما قسێش کەردۍ و ئاماژەش بە یاگی ڕابەر ئاپۆی کەرد پەی چارەسەری پرسەکا تورکیای و جەختش چانەیەکەردۆ گۆشەگیری ڕەهاو سەرو ڕابەر ئاپۆی و بڕیایش پەی ماوەو ٤٤ مانگا جە دنیاو بەری بە گرد شێوێ ئەشکەنجێوە حەقەتینەن.

پەرلەمانتارە ئۆیسانێ تیابارێتا بە سەرنج وستەی سەرو چەمپنەکەوتەکەو ئی دماییەو ئیمراڵی دەسش بەقسەکاش کەرد و جەختشکەردۆ چانەیە گردما جە مەراقو زاناو دۆخو ڕابەر ئاپۆینە بێنمۍ، ئی چەمپنەکەوتەیە پەی زانیاری هۆرگیرتەی سەرو ژیواو و تەندروسی ئاڎی فرە گرنگا و واتش: "هیوادارەنا ئی دیدارە بۆ بە سەرەتاو قۆناغێوە تازەی، بۆ بەمەڵامەتو ئانەی عەبدوڵا ئۆجالان ئازاد بکریۆنە. قۆناغێوە تازەو دیالۆگی، چەمپنەکەوتەیۍ چامنە فاڕیایی مارۆ ئاراوە. چونکی عەبدوڵا ئۆجالان هەم ڕاو دیالۆگی ئیختیارشا و هەمیچ نوێنەرایەتی گەلو کوردی مکەرۆ کە ئەرەکۆشای ئشناسنامەشا. عەبدوڵا ئۆجالان سەرکردێوە سیاسیا کە مشۆم بۆ بەبەشێ جە گردو قۆناغەکا ئا داواکارییا کە گەلو کوردی داواشا مکەرۆ."

پەرلەمانتارە ئۆیهانا ئێکسێبارێتا ئاماژەش بە گرنگی پەیامەکەو ڕابەر ئاپۆی کەرد و جەختشکەردۆ چانەیە پەیامەکەش نیشانێ ڕۆشنو خاوەنداریەتییا جە چارەسەری سیاسی جە ڕاو دیالۆگیوە.

'نامنیشانو چارەسەری ئازادی عەبدوڵا ئۆجالانین'

جە بەردەوامیەنە پەرلەمانتارە ئۆیسانێ تیابارێتا دەس نیشانش کەرد ڕاو چارەسەری پرسو کوردی ئیمراڵیین و پەی ئاردەی ئاراو چارەسەری ئاشتییانەی ئازادی ڕابەر ئاپۆی مەرجا و واتش: "حیچ پاساوێ نیا پەی ئاستەیۆ ئۆجالانی جە زینانە، هەمیشە واتەنم مشۆم ئۆجالان ئازاد بۆ. پەی خولقناو ڕاو دیالۆگی، دەس پنەکەردەو پرۆسەو چارەسەری و دڎان نیای پۆرەی بە مافە کۆمەڵاتییەکا گەلا تورکیای ئۆجالان هونەرو وێش نیشانە مڎۆ. پۆکەی تاکە داواکاری ئێمە ئازادی عەبدوڵا ئۆجالانین چونکی نوێنەرو داواکا گەلو کوردی و تەڤگەرین. عەبدوڵا ئۆجالان خاوەندارو تیۆری ئازادیوازو ژەنێن و جە پراکتیکەنە ئانەش سەلەمنان کە ئازادی گلێرگەی بەندا سەرو ئازادی ژەنێ و یەکسانی ڕەگەزی بەینو ژەنێ و پیای. پۆکەی پی تایبەتەمەندییە فکریا پەی گرد لێوە بۆ بە سەرچەمە ئیسفاڎە هۆرگێرتەی." ئا پەرلەمانتارۍ ئاماژەش بە فەلسەفەو 'ژەنی، ژیوای، ئازادی'ی کەرد کە ئایدیاو خولقنای ژیوێوە یەکسانی و فەراهەمکەردەو مافەکا ژەنێن.

' دژۍ قەرارەکا یۆگێرتەو ئەوروپاینمۍ سەبارەت بە پەکەکەی'

پەرلەمانتارە ئۆیسانێ تیابارێتا جە درێژەنە ئاماژەش پانەیە کەرد قەرارەکۍ یۆگێرتەو ئەوروپای سەبارەت بە پەکەکەی ئاستەنگیین وەردەمو پرۆسەو چارەسەری و پەنەوازا دەمودەس ئا قەرارە لابریۆنە و واتش: "پۆکەی ئەگەر گەرەکش بۆ پەکەکە دلی پرۆسەو ئاشتینە دەورو وێش گێڵنۆ، ئانە پەنەوازا ئاژێوە خاس وەش بکریۆ. بێگومان قەرارو بە 'تیرۆر نیایرەو پەکەکە'ی جە لایەنو ئەوروپایۆ ئاستەنگیێوە گۆرەن وەردەمو چارەسەری پرسەکا کوردینە. پۆکەی پەنەوازا ئا قەرارە دمایش بێ'

'مشۆم وەرگری جە ئایدیاکا تەڤگەرو کوردی بکەرمێنە'

 جە دماینە پەرلەمانتارە ئۆیسانێ تیابارێتا ئاماژەش پانەیەدا پەی چارەسەری پرسو کوردی و ئازادی ڕابەر ئاپۆی وەرپرسیارێتیێ گەورە گنۆ ئەستۆو گلێرگەی میاننەتەوەیی و پی جۆرە دمایش بە قسەکاش ئارد: "ئانەی گنۆ ئەستۆما جە مېڎانی میاننەتەوەینە بەردەوامیش مڎەیمۍ پنە. مشۆم فکرەکا تەڤگەرو کوردی پارێزنمۍ، هامکات هەوڵەکێما پەی سەرنج وستەی سەرو ئا فشارا سەرو گەلو کوردی و زینانیا سیاسیی زیاتەر کەرمێ و ئا دۆخەیە شەرمەزار مکەرمۍ. ئێمە پێسەو پەرلەمانتارا باسکی فرە جە تەڤگەرو کوردیۆ نزیکێنمۍ. هیواڎارێنمۍ عەبدوڵا ئۆجالان ئازاد بکریۆنە، گرد کاتێ ئینایمۍ چنی گەلو کوردی و ئۆجالانی."