دۊڵەتو تورکی ئەرەگیری جە هرووژمەکاش پەی سەرو مەدەنیا بەردەواما
دۊڵەتو تورکی ئەرەگیری جە هرووژمەکاش پەی سەرو خەڵکی مەدەنی کە جە بەنداوو تشرینینە جە چالاکی ئێشکگیرینە بەردەوامێنۍ و حۊت جارۍ هرووژمش کەردەن.
بە دیمەن
دۊڵەتو تورکی ئەرەگیری و چەتەکاش جارێوەتەر بە چەکی قورس ئا خەڵکە مەدەنییەیی جە بەنداوەکەنە ئینۍ چالاکینە مکەرۊوە ئامانج.
جە بەنداوو تشرینینە چا وەختەنە کە چالاکێوە خجڵو تۆمارکەردەی دیمەنو دماو هرووژمەکەو دۊڵەتو تورکی بۍ سەرو بەنداوەکەی، هەر چا ساتەنە دۊڵەتو تورکی ئەرەگیری هرووژمێوە تەرش ئەنجام دا.
هەڵای ئامارەو زەرەرەکا ئی هرووژمەیە نەزانیان، بەڵام زانیان هرووژمەکە بەردەواما.
زیاڎبیەی هرووژمەکا
یاگۍ ئاماژەینە چن سەعاتێوە چێوەڵی دۊڵەتو تورکی بە فڕۆکەی جەنگی و چەکی قورس خەڵکی مەدەنیش جە سەرو بەنداوەکەینە کەرد ئامانج و جە ئاکامەنە گەشمەرڎێوە و ١٠ زامڎارێش چنەکۊتۍ. هێزیچ جە ئەنجامو هرووژمەکا دۊڵەتو تورکینە پەی سەرو بەنداوەکەی جە دووۍ هرووژمۍ جیاوازێنە ٤ گەشمەرڎۍ و دەیان زامڎارێش چنەکۊتۍ.
دۊڵەتو تورکی ئەرەگیری جە ٨و کانوونو دووەمیوە بە گرڎی ٧ جارۍ هرووژمش کەرڎەن سەرو کارەوانو گەلی و ئا کەسا ئەنجامدان کە جە بەنداوەکەنە ئینۍ ئێشکگریینە. گەل دژو هرووژمەکا پەوپەڕو مۆراڵ بەرزییوە جە مڎرامانەکاشا بەردەوامێنۍ و پەیامو پارێزنای بەنداوەکەیشا واوەی کەرڎۆ.
