حاڵوو زەینەب جەلالیانێ زیندانیکریێ نەوەشێ خاس نییەن
زیندانیکریێ سیاسییە زەینەب جەلالیانە بۆنەو ئێشێوی تندیوە مەژگشنە، داواو ورگێرتەی چارەسەریش کەردەن، بەڵام دەوڵەتوو ئێرانی ڕەتش کەردۆ داوێکێش بیاونۆ یاگێ.
زەینەب جەلالیانە چند حەفتێوەن تەندروسییش خراپا و پەنەوازییش بە چارەسەری وەرفراوانییا، بەڵام دەوڵەتوو ئێرانی ڕا نمەدۆ بەرۆ چارەسەری پەنەواز وربگیریۆ. دەوڵەتوو ئێرانی ڕەتش کەردەنۆ داوێکێش بیاونۆ یاگێ، تەنیا وشکنای سادەش پەی کریان و دمایی گێڵیێنۆ پەی زیندانەکەیش.
مانگەی وەڵینە لاو دەوڵەتوو ئێرانیوە دووێ جارێ نویسیاێوەشا بە ناموونیشانوو "پەشیمانی"ی وستەن وەردەموو زەینەبێ تا ئیمزاش بکەرۆ، کە دەقوو نویسیاکەی لاو دەزگاو ئیتڵاعاتیوە مجیانرە و پەنەشا ئەرەیاونان، تا ئا نویسیایە ئیمزا نەکەرۆ جە گرد مافێوی سەرەتایی زیندانی بێبەش مبۆ.
زەینەب جەلالیانە دلێ زیندانینە بۆنەو ئانەیوە جە خزمەتگوزاریی پزیشکی بێبەشە کریێنە چندین نەوەشیێ تەرێش تووشێ بیێ پێسە، ئێشوو چەما، لاوازبییەی وینای، گرفتوو گورچیلەی و کۆئەنداموو هەزمی.
زیندانیکریێ سیاسییە، زەینەب جەلالیانە، ماوەو ١٧ ساڵان ئینا زیندانەنە و تاکە ژەنینە زیندانییەی سیاسییەنە چا وەڵاتەنە، کە سزاو زیندانیی حەتاحەتاییش سەرۆ بۆ و بەردەوام هەڕەشێ قەنارەدایش ئینا سەرۆ.
