دەسەو ڕاوەبەریی ناوەندوو پارتوو دیموکراتیکوو گەلا (هەدەپە)، بە وەڵاکەرڎەیۊ ئەرەیاونایۍ، یاڎوو ئا کەساشە کەرڎۊ، کە جە جینۊسایدکەرڎەی ئەرمەنییەکانە جە ٢٤وو نیسانوو ١٩١٥ینە گیانشا جەدەس دا.

ئەرەیاوناکەو هەدەپەی:

"حیچ ناسنامە، زوان، کولتوور، یان باوڕۍ و ئتنیکۍ و نەتەوێوە نییا، کە سەروو ئی خاکیوە لای سەریی ئەوی تەریوە بۊ. ئی ڕاسییە تا ئیاستۍ پیسە ڕاسیێوە گرڎینی کۊمەڵایەتی و سیاسی قبووڵ نەکریان. مرایۊ دژ پا تاوانا دژ بە ئینسانیەتی کریا، هەنگامێوە گرنگەنە پەی بنیاتنیای ئیاندێوە هامبەشی و یەکسانی و ئاشتیی کۊمەڵایەتی. ئێمە پا هەست و ویرۊکەرڎەیۊوە، پێسە گەلای کۊنی و دێرینوو ئەناڎۊڵی و میزۊپۊتامیای، وێما بە بەشداریی ئێشوو ۱۰۸ ساڵەی مزانمۍ و بە دڵتەنگی و ڕێزۊ یاڎوو ئا کەسا کەرمێوە، کە چا پرۊسەنە گیانشا جەدەس دان."

س.ز