ماڵپەڕو هۊفپۊستی شیکەرڎەیۊیېش سەرو ھورچنیەکا سەرۊکایەتی و پەرلەمانو تورکیای ۋەڵاکەرڎۊ و چنەشەنە ئامان، ئەردۊغان پۍ ماوەو ٢٠ ساڵان بۍ هامبەشیکەرڎەی و بەشڎاریکەرڎەی ئینا دەسەڵاتەنە، بەڵام ئیسە یاۋان بە لێوارو وڕای.

هۊفپۊست ئەرەیاۋناش، "ئەردۊغان، کە گرڎو دەسەڵاتەکاش وستېنۍ دەسو ۋېش، گەرەکشا جە ١٤و ئایارینە یەرەمین مەرحەلەو سەرۊکایەتی بەدەس بارۊوە. ئینە ئەۋەڵجارا جە دماو ٢٠ ساڵی ۋیەرڎەینە، ئەنجامو ھورچنیەکا ناڕۊشن و نادیارېنۍ".

ماڵپەڕەکە چن سیناریوۍ پیجۊرەشە ۋەڵاکەرڎەنۊ:

ئایا ئۊپۊزسیۊن متاۋۊ جە ڕاو دەنگدەراوە حەر دوۋە کاندیدەکەی تەری جە مەرحەلەو یوۋەمینە ماڕۊنە و با بە براوەو ھورچنیەکا؟ ئەردۊغان گرڎ چېۋېش جە دەسدان و مەڕیان، بەڵام ئایا قەبوڵش کەرۊ دەسبەرڎارو دەسەڵاتی بۊ؟

ھ . ش