حەفتەی دماتەر جارێۋەتەر لێژەو(بەش) ھۊرچنیاو پەدەکەی و یەنەکەی کۊباۋەو قەرارا بیاۋانە ڕێککۊتەی سەرو ئا پەرسا کە گفتوگۊش جە بارەوە مکەرا.

قەرارا ڕۊو شەممەی جارێۋەتەر لێژەو ھۊرچنیاو پەدەکەی و یەنەکەی جە مەکتەب سیاسی یەنەکەینە جە شارو ھۊلێری گلێربیەیۊ دوۋەم جەبارەو ھورچنیاکاۋە ئەنجام بڎا، ئا مژارۍ کە مەنێنە یەکلایشا کەراۋە.

ۋەرپەرسو یاسایی لێژەو ھۊرچنیاو پەدەکەی ئەرەیاۋناش؛ ئا مژارۍ کە مەنێنۍ یەکلایی کریاۋە، مژارو پێکئاماکا و کۊمسېۊنو باڵاو ھورچنیاکان، چونکی پەدەکە ئینا چنی ئانەی پێکئامێکۍ ۋێشا قەرار بڎانەو یەنەکەیچ داواو چۋار بازنا پۍ پێکئاماکا مکەرۊ، بەڵام ئانە پۍ ئاڎیشا مەگونجېۊ.

ۋەرپەرسو یاسایی لێژەو ھۊرچنیاو پەدەکەی ۋاتش؛ بە مەڵامەتو کەمی ۋەختېۊ ھۊڵ مڎەیمۍ ڕۊو شەممەی بیاومۍ بە ڕێککۊتەی، ھەرڎوۋە پەرسەکەی یەکلایی کەرمێۋە ھەم کۊمسیۊن ۋە ھەم پەرسو پێکئاماکا.

ڕۊو یەرەشەممەی ۋیەرڎەی لێژەو ھۆرچنیاو پەدەکەی و یەنەکەی سەرو پەرسو ھۆرچنیای کۆبېێۋەو سەرو چۋار خاڵا ڕێکۍ کۊتۍ.

ھ.ش