ناوەندوو ئەرەیاونای و چاپەمەنیی هەپەگەی بارەو هجوومەکاو سوپاو تورکی ئەرەگیری پێسە ئەرەیاوناش:

"جە هەرێموو خواکورکی؛

سەرسەعبوو ١٣و ئایاری ئەرەگیرۍ تا نیمەڕۊ بە کاتیوشا و هاوەنۍ بۊردومانوو کەشوو گەشمەرڎە حەقی و کەشوو گەشمەرڎە کامورانیشا کەرد. هێزەکێما بە مەبەسوو وێپارێزنای وەرپەرچشا دێوە.

١٣و ئایاری سەعات ١٨:٣٠ ئەرەگیرۍ هجوومشا کەرد سەروو کەشوو گەشمەرڎە ئاخینی. هێزەکێما وەروو ئانەی وێشا پارێزنا وەرپەرچوو ئەرەگیراشا داوە و جەنگ قۊمیا. جە ئەنجاموو ئا جەنگینە سەنگەرێوە کە ئەرەگیرێش چەنەبێنۍ دلێنە بریا و ٢ ئەرەگیرۍ سزۍ دریۍ.

هجوومەکاو سوپاو تورکی ئەرەگیری پێسنۍ بێنێ:

١٣و ئایاری مەیڎانوو کەشوو وەهاری و مەیڎانوو گۊلکاو مەتینای ٤ جارۍ بە تەیارە بۊردومانۍ کریۍ.

١٣و ئایاری خواکورکنە کەشوو گەشمەرڎە حەقی، کەشوو گەشمەرڎە کامورانی، مەیڎانەکاو کەشوو ئاخینی و کەشوو وەهاری، کەشوو ئێف ئێمی، کەشوو جودی، کەشوو ئامێدی و سەنگەرەکاو مدرامانیما جە مەیڎانوو سیداینە ١٧ جارۍ بە کاتیوشا، تانکۍ و چەکی قورس بۊردومانۍ کریێ".

س.ز