ناۋەنڎو یاۋنەری و چاپەمەنیی هەپەگەی جەبارەو ھجومەکا سوپاو تورکی ئەرەگیریۊ ئەرەیاۋنېوەش ۋەڵاکەرڎۊ:

"هەرێمو زاپی؛

۹و ئایارینە و سەعاڎ ٠٦:١٠ پۍ ۱۰:۱٥ دەیەقا ئەرەگیرەکۍ ترکی ھجومشا کەرڎ سەرو مەیڎانو مدرامانو کەشو ئێف ئێمی و هێزەکېما پۍ پارزناو ۋېشا جە ئەرەگیراشا دا.

۹و ئایاری سەعاڎ ١٤:٠٠ پۍ ١٥:٠٠ ی سوپاو ئەرەگیرا ھجومشا کەرڎ سەرو سەنگەرەکا مدرامانیما جە سیدا، هێزەکېما پۍ پارېزناو ۋېشا جە ئەرەگیراشا دا و چا جەنگەنە ٢ ئەرەگیرۍ کوشیۍ.

ھجومەکۍ سوپاو تورکی ئەرەگیری بە چەکی قەڎەغەکریا؛

۹و ئایارینە سەنگەرەکۍ مدرامانیما جە سیدا بە چەکی قەڎەغەکریا بۊمبۋاران کریۍ.

ھجومەکۍ سوپاو تورکی ئەرەگیری؛

جە ۸ و ۹ و ۱۰و ئایارینە، فڕۊکە جەنگییەکۍ مەنتیقەکۍ کەشو زەنگلی جە گارە، دۊروبەرو چاڵایی مەرانۍ و دەگاو سێداریش ٦ جارۍ بۊمبۋاران کەرڎۍ.

جە ۹ و ۱۰و ئایارینە مەنتیقەکۍ مدرامانو کەشو جودی، کەشو ئامێدی و کەشو ئێڤ ئێمی و سەنگەرەکۍ مدرامانیما جە سیدا دوۋۍ جارۍ بە هەلیکۊپتەری ھجومکەر و ٩ جارۍ بە تانک و چەکی قورس بۊمبۋاران کریۍ".

ھ . ش