ناوەندوو ئەرەیاونای و چاپەمەنیی هەپەگەی سەبارەت بە گەشمەرڎەبییەی "ئارام سیروان"ی ئەرەیاوناێوەش وەڵا کەرڎۊ، دلێشنە ئامان:

'١٦و کانوونوو یووەموو ٢٠٢٢ جە ئەنجاموو هجوومێوە ئاسمانیی دەوڵەتوو تورکی ئەرەگیرینە جە وەرنیشتوو زاپینە، هامڕاما "ئارام سیروان" گەشمەرڎە بی. هامڕاما ئارام خەڵکوو شاروو سنەو وەرکەوتوو کورڎسانی بی، بە هۊشیاریێوە قووڵی نەتەوەییوە بەشڎارییش جە ڕیزەکاو پارتیما پەکەکەینە کەرڎ، دلۍ پارتەکەیمانە ئایندەو ئازادوو گەلەکەیماش دی و سەروو ئا بنەمێوە بەگیانبازانە بەشڎارییش کەرڎ. وەراوەروو سیاسەتەکاو هێزە ئەرەگیرەکانە کە حەوڵۍ مڎا گەلەکەما جە ڕووەو جەستەیی و ڕۊحییوە جە یۊی بڕارە و کورڎان کۊکوش کەرا، کۊشیای ئازادی جە مەیدانەکاو کورڎسانینە پێسە کۊشیای ئازادیی وێش دی و وێش بە ساعیبش زانا.

ئەوەلۊ سەرەوەشی جە بنەیانە بەڕێزەکەیش کەرمۍ، کە قارەمانێوە چینەشا پەروەرڎە کەرڎ و جە کۊشیای ئازادیینە بەشڎارییشا پەنە کرڎ، دماتەر سەرەوەشی جە خەڵکی وەڵاتپارێزنوو سنەی و سەرجەموو گەلوو کورڎسانی کەرمۍ.

زانیاری سەروو ئشناسنامەو هامڕای گەشمەرڎەیما:

ئشناسنامێ: ئارام سیروان

نامۍ و دمانامی: مێهرڎاد رەحیمیان

یاگۍ پەیدابییەی: سنە

نامۍ ئەدێ- تاتەی: شاناز- ناسر

وەخت و شۊنەو گەشمەرڎەبییەی: ١٦و کانوونوو یووەموو ٢٠٢٢/ هەرێمەکاو پارێزنای مێدیای

هامڕاما "ئارام سیروان" جە شاروو سنەی وێڕاگیرینە پەیدا بی، دماتەر بنەیانەکەش بۊنەو فشاریوە ناچارۍ بیۍ رووە کەرا تاران و هامڕاما ئارام چا شارەنە گەورە بی، وەلێم گرڎ وەختێوە دڵش پەی وەڵاتەکەیما کورڎسانی دۍ وەنە. بۊنەو وەڵاتپارێزنیی بنەیانەکەیشۊ تایبەتمەندییەکاو کورڎایەتییش پارێزنۍ و پێسە وەڵاتپارێزنۍ و نیشتمانپەروەرۍ گەورە بی. ساڵەو ٢٠١٥ ڕووەش کەرڎە کەشە ئازادەکاو کورڎسانی و بەشڎارییش جە ڕیزەکاو گەریلاینە کەرڎ و ساڵەو ٢٠١٩ لوا ڕیزوو هێزی تایبەتیوە.

دلۍ هێزی تایبەتینە گەرەکشبۍ جە ڕاو پەروەرڎەیۊ وێش سەروو خەتەو گیانبازی بەرۊ وەڵێوە و پێسە بەشڎاری جە قۊناغی ئارۊیی جەنگینە کەرۊ. پەوکای بەرڎەوام وێش قووڵ کەرێوە و وەروو ئانەی ئینەیە عەمەلی کەرۊوە ڕەنجێوە فرەش کێشا، بەتایبەتی  دژوو هجوومەکاو سوپاو تورکی ئەرەگیری پەی سەروو هەرێمەکاو پارێزنای مێدیای جە زاپنە فرەو مەیدانەکانە لوا دلۍ سەنگەرەکاو مڎرامانی. چی قۊناغەو مڎرامانینە کە بە ئیرادە و قەرارێوە گەورەوە بەشڎارییش کەرڎ، بە پاگێرتەیرەوە لووۍ سەروو دوژمنی و بە هەڵوێستی ئازایانەو وێش دلۍ ڕەفێقەکاشنە بی بە  نموونە. پێسە ڕەفێقەکاش، پەی وەفاداری بە یادوو هامڕا ئارامی و گرڎوو ئا هامڕایاشە بۍ دووەدڵی بەقارەمانانە جەنگیۍ و گەشمەرڎۍ بیۍ، ئێمە جارێوە تەر تر وەعد مڎەیمۍ، کە کۊشیایما زیاڎتەر گەورە کەرمێ".

س.ز