هەپەگە: فەرمانڎەو ئەیالەتوو دێرسیمی هامڕا "یاشار بۊتان" ئەنڎاموو فەرمانڎەیی ئەیالەتوو دێرسیمی "شەڤگەر سەمسوور" و هامڕا "ئارژین ساریا" بە یارایۍ گەورەوە تا ئاخیر دژوو دوژمنی گژیۍ و قارەمانانە گەشمەرڎۍ بیۍ.
ناوەندوو ئەرەیاونای و چاپەمەنیی هەپەگەی سەبارەت بە ٣ گەریلا گەشمەرڎا ئی ئەرەیاونایشە وەڵا کەرڎۊ:
"جە هەرێموو دێرسیمی هجوومەکاو سوپاو تورکی ئەرەگیری پەی سەروو هێزەکانما بەقورسی درێژەش هەن. جە زمسانۍ و وەهارنە بەینوو ئەرەگیرا و هێزەکامانە جە ٢٣ و ٢٤وو کانووونوو دووەموو ٢٠٢٢ێنە جەنگ ڕووەش دا. چا جەنگەنە کە چنڎین سەعاتۍ درێژەش بۍ، ئەنڎامی فەرماندۍ ئەیالەتوو دێرسیمی "شەڤگەر سەمسوور"ە و هامڕێما "ئارژین ساریا" بە یارایۍ گەورەوە گژیۍ و گەشمەرڎۍ بیۍ. جەنگەنە گورزی قورسشا جە دوژمنی شانا. فەرمانڎەو ئەیالەتوو دێرسیمی هامڕا "یاشار" کە تاوابێش سەرکەوتانە دلۍ دوژمنیرە ڕزگارش بۊ، ١وو ئاداروو ٢٠٢٣ جارێوە تەر دژوو دوژمنی گژیۍ. هامڕاما "یاشار" کە چا ڕوۊ ئاما دلۍ ریزەکاو پەکەکەی ڕێبازوو گیانبازییش گێرت، دماو جەنگێوە فرەی وەروو ئانەی بەزیندەیی نەگنۊ دەسوو دوژمنی بەگیانبازی گەشمەرڎە بی.
فەرمانڎەو ئەیالەتوو دێرسیمی هامڕا "یاشار بۊتان' ئەنڎاموو فەرمانڎەیی ئەیالەتوو دێرسیمی "شەڤگەر سەمسوور"ە و هامڕاما "ئارژین ساریا" بە یارایۍ گەورەوە دژوو دوژمنی جەنگشا کەرد و قارەمانانە گەشمەرڎۍ بیۍ. جە "سەید ڕەزا"وە تا "بەسێکان" جە "سارا"کاوە تا "بێریتانەکێ" جە "چەتین سیڤەر"ەکاوە تا "ئاتاکان ماهیرەکێ"، جە "زینە"ەکاوە تا "چیچەکەکێ"، جە "یلماز"ەکاوە "یاشارەکێ" و دێرسیم بیۍ بە وارگەو فرە مدرامانا و قارەمانێتی تاریخی. جە دێرسیم کۊشیای ئازاڎی گرد وەختۍ درێژ بۊوە و ئاواتوو گەشمەرڎە ئازیزەکاما بەدڵنیاییوە مۍ دی. سەروو ئا بنەمێوە سەرەوەشیی وێما جە بنەیانەی بەنرخوو هامڕا گەشمەرڎەکاما و تەماموو گەلی وەڵاتپارێزوو کورڎسانی کەرمۍ.
ناسنامێ: یاشار بۊتان
نامۍ و دمانامێ: عوسمان ماناک
یاگۍ جەئەڎابییەی: شڕنەخ
نامۍ ئەڎێ- تاتەی: جاهیدە- مەحمود
وەخت و یاگۍ گەشمەرڎەبییەی: ١وو ئاداروو ٢٠٢٣/ دێرسیم
******************
ناسنامێ: شەڤگەر سەمسور
نامۍ و دمانامێ: زەینەل کوچوک
یاگۍ جە ئەڎابییەی: سەمسوور
نامۍ ئەڎێ- تاتەی: خەیریە- محەمەد
وەخت و یاگۍ گەشمەرڎەبییەی:٢٤ی کانوونوو یووەمی ٢٠٢٢/ دێرسیم
*********************
ناسنامێ: ئارژین ساریا
نامۍ و دمانامی: شەهریبان تەکمەنورای
یاگۍ جە ئەڎابییەی: ئانتالیا
نامۍ ئەڎێ- تاتەی: فاتمە - رەمەزان
یاگۍ و وەختوو گەشمەرڎەبییەی: ٢٤ی کانوونوو یووەمی ٢٠٢٢/ دێرسیم
س.ز
