ئەرەیاۋناکەو هەپەگەی پی جۊرەنە:

"رژێمو فاشیستی ئاکەپە-مەهەپەی سەربارو قەرارو جمیەرەکەیما پۍ مرڎناو چالاکی بە شێۋێۋە سەرەمڕە ھجوم کەرۊ سەرو هێزەکاما. جە ٨و نیسانینە جە دەشتاییەکا دەگاو "جناتا"ی هەرێمو عومەریەی مێردینی، سوپاو ترکی ئەرەگیری ھجومش کەرڎ سەرو ھامڕایما "خەباتکارباگۊک'' کە جە ئەرکو ۋێشەنە بۍ چنی خزمێۋەش بەنامۍ "لوقمان گۊرگون"ی کە ۋڵاڎپاڕێزێۋە هێژابۍ و جە ئاکامەنە بە شکڵۍ بێداڎگایی ئاڎێش تیرۊرکەرڎۍ و تاۋانەو جەنگیش ئەنجامدا. "لوقمان گۊرگون" کە ۋڵاڎپارێزێۋە دڵسۊزو گەلی و ۋڵاتەکەی بۍ، گەشمەرڎەو کۊشیای ئازاڎیمانە. ھامڕاما خەباتکار پېسە گرڎو هێزەکا گەریلایما جە ئاژێۋە بێچالاکینە بۍ، چا وەختەیچەنە جە ئاکامو ھجومو دوژمنیەنە گەشمەرڎەبی. سەرەۋەشی جە خانەۋاڎەو بە نرخو هامڕایما خەباتکاری و خانەۋاڎەو ۋڵاڎپارێزیما "لوقمان گۊرگون"ی و، خەڵکو مێردینی ۋڵاڎپارێزی و تەمامو گەلوو کورڎسانی مکەرمۍ. ۋەعڎ مڎەیمۍ کە بە خۊتانکەرڎەی جە یاڎو گەشمەرڎا ئەرەکۊشایما تا سەرکۊتەی پەرە پنەبڎەیمۍ.

زانیاری سەرو هامڕایما "خەباتکار باگۊک" کە گەشمەرڎە بیەن پی جۊرەنە:

ھەڤاڵ خەباتکار جە خانەۋاڎێۋە ۋڵاڎپارێزو خەڵکو نسێبینی جە ئەڎۍ بیەن، جە دەگاو جناتای دامېنو کەشو باگۊکی گۊرەبیەن، بەمەڵامەتو ژیای چا مەنتیقەنە و حەرپاسە ئانەی کە خانەۋاڎەکەش ۋڵاڎپارێزۍ بێنۍ حەر زوو جمیەرو ئازاڎییش بە وەڵێۋەبیەی پەکەکەی ئشناسا. جە ساڵەو ٢٠١٣ینە بە مەڵامەتو چالاکییەکاشۊ زینڎانی کریا، بەڵام حەجگیز سازشش سەرو هەڵۋێسەکاش نەکەرڎ و دماو ئازاڎ بیەیش جە ساڵەو ٢٠١٥ ینە جە مێردینۊ بەشڎارو ریزەکا گەریلای بی و دماو ساڵێۋە مەنەیۊ چا هەرێمەنە روۋەش کەرڎە هەرێمەکا پارێزناو مەدیای و بەشڎارو پەروەردەی بی.

دماو ئانەی کە پەروەرڎەی سەروازیش بە سەرکۊتەی تەمام کەرڎ پەی پارێزناو ئێزدییەکا جە ۋەران ۋەرو چەتەکا داعشینە روۋەش کەرڎە شەنگال. ساڵەو ٢٠١٨ی جارێۋەتەر ڕوۋەش کەرڎە مێردین و پېسە جەنگاوەرێۋە جۋانی گیانبازی ئاپۊیی بەشڎاریش جە چنڎین چالاکیێنە دژوو دوژمنی کەرڎ و تا ۋەختو گەشمەرڎەبیەیش جە ٨و نیسانو ٢٠٢٣ێنە حەجگیز سازشش سەرو هەڵۋێسو جەنگاوەری ئاپۊیی ۋێش نەکەرڎ، پی جۊرە کۊشیا و ئنەو ئەرەکۊشاکەیچش بە گەشمەرڎەبیەیش بی بە نمونە پۍ ھامڕاکاش.

ھجومە ئەرەگیریەکۍ ترکی ۋەردەوامېنۍ

جە هەرێمو زاپیەنە؛

١١و ١٢و نیسانیەنە سەعاڎ ١٠:٣٠، ١٢:٠٠ و ١٣:٠٠سوپاو ترکی ئەرەگیری ھجومش کەرڎ سەرو سەنگەرەکا مدرامانیما جە سیدا. ھێزەکېما پۍ پارێزناو ۋێشا ناچارۍ بێنۍ جوابشا بڎاۋە و جە ئاکامەنە ٤ کەرەتۍ جەنگ ڕوۋەشدا.

ھجومەکۍ سوپاو ترکی ئەرەگیری:

١١ و ١٢و نیسانیەنە جە مەیڎانەکا چەمچۊی و سیداینە، بە چەکی قورس، کاتیوشا و تانک ٣٧ جارۍ بۊمبۋاران و سەنگەرەکا مدرامانیما کریا".

هـ . ش