هەپەگە ئەرەیاۋناش، کە گەریلا رۆدی نالین ٣ۍ کانونوو یوۋەمی جە کەربۆران گەشمەرڎە بیەن و وەعدش دا کۊشیای ئازاڎیی کە بێ دوودڵی پەیش گژیا، بیاونۆ بە سەرکۊتەی. هاموەخت سەرەوەشیش جە بنەیانەو گەریلا رۆدی نالینی، مەردموو مێردینی و گەلوو کوردسانی کەرڎەن.
ناوەنڎوو ئەرەیاۋنا و چاپەمەنی هەپەگەی ئەرەیاۋناش کە رۆدی نالین (ئۆرهان ئەلما) جە مەنتیقەو کەربۆرانی مێردینی جە جەنگېوە دژوارەنە چنی سوپاو تورکی ئەرەگیری گەشمەرڎەبیەن.
ئەرەیاۋناکەو ناوەنڎوو ئەرەیاۋنا و چاپەمەنی هەپەگەی پی جۆرەنە:
"٣ۍ کانونوو یوۋەمی جە دەوروبەری شارۆچکڵەو دەیوانی مەنتیقەو کەربۆرانی مێردینی، دووۍ هامڕېما تووشوو دوژمنی با. هامڕېکێما بە چەکی کەسی ۋەرپەرچوو سوپاو تورکی ئەرەگیریشا دانۆ و پەوپەڕوو ئازایەتیوە جەنگشا کەرڎەن. چا جەنگە دژوارەنە حەردووە هامڕېکێما پۍ ئانەی بە زینڎەیی نەگنا دەس و دوژمنی گیانبازانە بەرەو گەشمەرڎەبیەی لوۍ. یۆ چا هامڕایاما گەشمەرڎە رۆدی نالینە. زانیاری سەروو ئشناسنامەو هامڕاکەی تەریما حەروەخت یەکلایی بیۆ، پۍ گەلەکەیما و رای گرڎیی بەیانش کەرمۍ.
هامڕاما رۆدی کە رۆڵەی قارەمانوو دەگاو مارینێی وڵاتپارێز و خەڵکوو مێردینی بۍ، جە ساڵەو ٢٠٠٧یوە کە ئاما دلۍ ریزەکاو کۊشیای تا ساتە وەختوو گەشمەرڎەبیەیش بە ئازایانە و جە ۋۍ ۋیەرڎەیۍ گۊرۆ کۊشیا. بە گیانی فیدایی ئاپۆیی و هوشیاری شۆڕشگێڵنی جە هەرێمەکاو پارېزنای مەدیای تا فرەو ئەیالەتا و هەرێموو سەرنیشتوو کوردسانی جە گرڎ یاگېنە پەو پەڕوو وەشەسیایۆ کۊشیا. پەی ئازاڎیی گەلەکەیما و ڕابەرەکەیما، پۍ پوچکەرڎەیۆ هجومەکاو دوژمنی، پۍ خۊتانکەرڎەی جە یاڎوو گەشمەرڎا، پۍ سەروستەو ئەرک و ۋەرپرسیاری سەروو شاناش بە گرڎ جۆرێ بەشداریش جە کۊشیای ئازاڎینە کەرڎ. هامڕاکەما چا وەختەنە سەرحاڵوو ۋیەرنای ئەرکەکاشەنە بۍ، تووشوو دوژمنی ئاما و بە شێوېوە کە لایەق بە جەنگاوەری گیانبازانەی ئاپۆیی بۆ هەرێموو مێردینینە دژوو دوژمنی جەنگش کەرڎ و گەشمەرڎەبی.
سەرەوەشی جە بنەیانەی بەڕێز و بەقیمەتوو هامڕایما رۆدی، خەڵکوو وڵاتپاڕێزوو مێردینی و گەلوو کوردسانی کەرمۍ. وەعدما واوەی کەرمېوە کە کۊشیای ئازاڎیی کە رۆدییەکا بە شێوېوە گیانبازانە بەشدارییشا چنە کەرڎ و بۊنەشۆ بێ دوودڵی جەنگشا کەرڎ، بیاونمۍ بە سەرکۊتەی.
ئشناسنامەو هامڕایما رۆدی نالینی پی جۆرەنە:
ناسنامۍ / رۆدی نالین
نامۍ و دمانامۍ / ئۆرهان ئەلما
شۊنماو جە ئەڎابیەی / مێردین
نامۍ ئەڎۍ و نامۍ تاتەی / مەجبورە- عەبدولکەریم
وەختوو شۊنماو گەشمەرڎەبیەی / ٣ۍ کانوونوو یوۋەم و ٢٠٢٣/ مێردین
