جە یاۋنەریەکەو ناوەنڎو یاۋنەری و چاپەمەنی هەپەگەینە ئامان:

" هامڕێما عەباس و خەمگین جە هەرێمو پەرواری سێرت-ینە جە ١٢و تشرینی یوۋەمو ٢٠٢٢ېنە چنی دوژمنی وەرەن ڕوو جەنگی بیېۋە. هەردوۋە هامڕاما بە ئازایەتیۍ فرۊ جە دژوو دوژمنی جەنگشا کەرڎ. دوژمن دماو ئانەی دەرەقەتو هامڕایاما ناما تەکنەلۊجیا و فڕۊکەی جەنگیش بەکارئارڎ و بە شێۋېوە نامەرڎانە هجومش کەرڎ سەرو هامڕایاما. هامڕێما عەباس و خەمگین کە تا دما هەناسەشا سازششا سەرو جەنگاوەری گیانبازیی ئاپۆیی نەکەرڎ، پېۋەرە گەشمەرڎۍ بیۍ.

هامڕێما عەباس و خەمگین عومرشا هامشېوەو یۊی بۍ، ساڵەکا کۊشیای ۋېشا جە مېڎانە جیاجیاکانە بەڵام بە هەمان شێوە ۋیەرنابۍ. ئاڎۍ بیۍ بە عالتەرین رۆڵۍ بەنرخۍ گەلەکەیما کە فاڕیۍ پۍ جەنگاوەری و فەرمانڎۍ سەرمەشقۍ پارتەکەیما. جەوهەری قارەمانی خەڵکو بۆتانیشا جە کەسایەتی ۋېشانە ئامێتەو جەنگاوەری گیانبازی ئاپۆیی کەرڎ، جە دەشتە و کەشەکا کورڎسانینە ڕاپیمایۍ قارەمانانەی ئەفسانەیشا ئەنجامدا. دەگاکۍ هێشەتی و ئەوروخی کە خۊتان قارەمانی پی جۊریەبېنۍ، خەڵکو بۆتانی و تەمامو گەلوو کورڎی وەردەوام بە قارەمانیەتی ئاڎیشاوە سەربەرزۍ با، پېسە هێماو کۊشیای و جەنگاوەریی نمونەیی یاڎشا کەرمېوە.

سەرەوەشی جە خانەواڎەی ۋڵاڎپارێز و بەڕێزو هامڕایاما و تەمامو گەلوو کورڎسانی مکەرمۍ و وەعدما واوەی مکەرمېوە کە سەرو ڕاو ڕېبازو گەشمەرڎا حەجگیز سازش نەکەرمۍ.

زانیاری سەرو شناسنامەو هامڕایاما عەباسی و خەمگینی پی جۊرەنە:

ناسنامۍ: خەمگین هێشەتی

نامۍ و دمانامۍ: عیرفان چاغلا

یاگۍ جە ئەڎابیەی: سێرت

نامۍ ئەڎۍ و نامۍ تاتەی: مەقبولە- رەمەزان

وەخت و یاگۍ گەشمەرڎەبیەی: ١٢و تشرینو یوۋەمو ٢٠٢٢/ بۆتان

 

ناسنامۍ: عەباس هەرەکۆل

نامۍ و دمانامۍ: سەرحەد ئیپەکتەن

یاگۍ جە ئەڎابیەی: سێرت

نامۍ ئەڎۍ و نامۍ تاتەی: ئەمینە - خەلیل

وەخت و یاگۍ گەشمەرڎەبیەی: ١٢و تشرینو یوۋەمو ٢٠٢٢/ بۆتان.

  هـ . ش