ناوەنڎو یاۋنەری و چاپەمەنی هەپەگەی ئەرەیاۋناش، " چنی ئانەی کە هێزەکېما ئینۍ ئاژەو ۋېپارېزناینە، بەڵام رژێمو ئاکەپە و مەهەپەی فاشیستی ھجومەکېشا زیاتەر کەرڎېنۍ و وەردەوامیشا پنە مڎا. هەرێمەکۍ پارېزناو میدیای ١٩ جارۍ بە فڕۊکەی جەنگی و ٢٤ جارۍ بە ئۊبۊس و تانک بۊمبۋاران کریۍ.

هەپەگە چی بارۊ زانیاری فراوانش ۋەڵاکەرڎۊ کە پی جۊرەنە:

" هەرێمو زاپی؛

٢٠و ئایاریەنە سەعاڎ ٠٩:٥٠دەیەقۍ جە مېڎانو مدرامانو کوروژارۊی، ئەرەگیرەکۍ ھجومشا کەرڎ سەرو هێزەکاما، هێزەکېچما پۍ پارېزناو ۋېشا جوابشا دېوە.

ھجومو سوپاو ئەرەگیری تورکی؛

١٩ و ٢٠و ئایاریەنە دەشتەو کافای گارەی، تەپو گەشمەرڎە پڵنگی مەتینانە، کەشو ئامێدی، مېڎانو مدرامانو کەشو جوودی و کەشو وەهاری زاپی، ١٩ جارۍ بە فڕۊکەی جەنگی بۊمبۋاران کریۍ.

١٨و ١٩ و ٢٠و ئایاریەنە مېڎانو تەپو گەشمەرڎە پڵنگی مەتینانە، تەپو گەشمەرڎە حەقی خواکورکەنە، تەپو گەشمەرڎە کامەرانی، دۊروبەرو ئاوەو لۊڵانی و سەنگەرەکۍ مدرامانیما جە کەشو جوودی زاپی، کەشو وەهاری، چەمجۊ و سیدا، ٢٤ جارۍ بە ئۊبۊس و هاوەنە و تانک بۊمبۋاران کریۍ.

ئەرەگیرەکۍ حۊل مڎا سەنگەرەکا مدرامانیما جە کەشو ئێف ئێمی و سیدای بە بلدوزێر وڕنانە."

ھ . ش