هەپەگە ئامارەو جەنگو مانگەو نیسانیش ئاشکرا کەرڎ. سوپاو ترکی ئەرەگیری جە زەمین و ئاسمانۊ ١٠٨١ کەرەت هەرێمەکۍ پارېزناو مەدیایش بۊمبۋاران کەرڎېنۍ. ٨ جارۍ بە چەکی کیمیاۋی و بۊمبی قەڎەغە کریایچ ھجومش کەرڎەن سەرو سەنگەرەکا مدرامانو گەریلای.
ناۋەنڎو یاۋنەری و چاپەمەنی هەپەگەی ئامارەو جەنگو ١ تا ٣٠ نیسانیش ئاشکرا کەرڎ.
جە ئەرەیاۋناکەو هەپەگەینە ئامان، "گەریلاکۍ ئازاڎیی کورڎسانی هێزی ئەساسی پارېزناو ئیراڎەو ئازاڎیی گەلە چېردەسەکەیمانۍ، سەرەڕاو دژوارتەرین هەلومەرجیچ خاکو پیرۊزو کورڎسانیشا بە شێۋێوە گیانبازانە جە هێزە ئەرەگیرکەرەکا پاراستەن و پارېزناش. رژێمو ئاکەپە-مەهەپەی فاشیستی کە دوژمنۍ سەرسەختو گەلوو کورڎین، گرڎو دەرفەت و تواناکا وەرو دەسیش بەکارمارۊنە و ھجوم کەرۊ. رژێمو جەنگی تایبەتو فاشیستی کە جە روو سیاسی و سەروازیۊ شکسش ئارڎەن سەرو بنەماو دلېنەبەرڎەو ئیراڎەو ئازاڎیی گەلوو کورڎی درێژە بە جەنگی وێش مڎۊ و پی جۊرە حۊل مڎۊ وېش سەرو پەیاوە راگېرکەرۊ. سەرەڕاو ئا ھجوما، گەریلاکېما کە بە گیانبازی جەنگیا، بە قوڵکەرڎەیۊ خەتەو مدرامانی ڕاشا بە ئەرەگیرا نەڎا و بە مدرامان تاریخشا نۋیستۊ".
ئەرەیاۋناکەو هەپەگەی پی جۊرە وەردەوامیش ھەن:
" رژێمو ئاکەپە-مەهەپەی فاشیستی بیەو وێش سەرو دلېنەبەرڎەو گەلو کورڎی بنیاڎ نیان و گەرەکشا بە شێوازو جەنگۍ چەپەڵانەی بیاۋۊ ئەنجام، چنی نزیکبیەیۊ واڎەو ھورچنیەکا ھجومەکېش زیاتەر کەرڎېنۍ بە هەواڵۍ درۋۍ و سەرگوزشتۍ درۋۍ سەرکۊتەی گەرەکشا رای گرڎی ھورخەڵەتنۊ و ئەنجامۍ جە سیاسەتی جەنگی بە دەس بارۊنە. رژێمو ئاکەپە-مەهەپەی تۊمەڎبار جەنگ جە مێردینۊ تا بۊتان، جە بۊتانۊ تا سەرحەد، جە سەرنیشتوو کورڎسانی بە هەزاران ئەرەگیرۍ و تەکنەلۊجیای بێسنوورو بە دەیان جارۍ پەی دلېنەبەرڎەی ھجومش ئەنجامدان. سەرەڕاو ئانەیچ جە وەران وەرو گەریلاکا ئازاڎیی کورڎسانینە کە بە ئیراڎېوە گیانبازیۊ ۋێشا رازنانۊ، مەتاۋۊ بیاۋۊ پا ئاکامەی کە گەرەکشا.
هەرێمەکۍ پارېزناو مەدیای ١٠٨١ جار بۊمبۋاران کریېنۍ
سەنگەرەکۍ مدرامانی جە هەرێمەکا پارېزناو مەدیای ئانڎەی کە هێزەکاما دەسنیشانشا کەرڎەن ٧٦ جارۍ بە فڕۊکەی جەنگی، ٦١ جارۍ بە هەلیکۊپتەری ھجومکەر، ٩٤٤ جارۍ بە تانک، تۊپە، کاتیوشا و چەکی قورس واتە بە گرڎی ١٠٨١ کەرەت بۊمبۋاران کریېنۍ. سوپاو ترکی ئەرەگیری تاوانەکۍ جەنگیش زیاتەر کەرڎېنۍ، هەشت جارۍ بە چەکی کیمیاۋیی و بۊمبی قەڎەغەکریا ھجومش کەرڎەن سەرو سەنگەرەکا مدرامانو گەریلای. رژێمی فاشیست بە شێۋېوە وەحشیانە گرڎ جۊرە تاوانېوە جەنگی دژوو مرۊڤایەتی ئەنجام مڎۊنە. ئینەیچ ئاخر پەلەقاژۍ رژێمێکەین کە ئینا لېوارو وڕاینە. هێزەکېما چا یاگانە کە ئەرەگیرەکۍ ھجوم کەرېنۍ سەرشا، جوابشا دېنۍ و جەنگ ئۍ ئاراوە. چا جەنگانە دوۋۍ ئەرەگیرۍ کوشیېنۍ، سیستمێوە کامێرای حەراری دلېنەبریان و چەکێوە تۊپەی ٥٧ دلېنەبریا.
گەریلاکۍ ئازاڎیی کورڎسانی کە پېسە گەریلای مۊدێرنیتەی دیموکراتیکی سەرجەنۊ ۋېشا بنیاڎنیانۊ و بیۍ بە هیواو ئازاڎیی ژەنا، جوۋانا و گرڎو چېردەسا، بە رەنجو مبارەکو ھامڕایا نەمریما کە تا ئاخر هەناسەشا بە گیانبازی کۊشیۍ، هیواشا بە ئاینڎەی ئازاڎی زیاتەر کەرڎ. چا گیانبازاما کە جە مانگەو نیسانیەنە لوۋۍ ریزو نەمراوە ھامڕېما "خەباتکار باگۊک، باگەر وان، هێژار زۊزان، رۆسیدا باوەر، ئەکین رزگار مەلازگرت و ھامڕاما بۊتان گۊیی" جە هەرێمەکا پارېزناو مەدیاینە لوۋۍ قافڵەو گەشمەرڎاوە و بە پیتۍ ئاڵتونیە نامۍ ۋېشا جە تاریخو مدرامانی شکۊمەنڎانەو گەلەکەیمانە نۋیستۊ. گەریلاکۍ ئازاڎیی کورڎسانی کە کۊشیای "دڵخواز گاباری و گوڵجیا گاباری"شا پیسە میراسی پۍ ۋېشا وینان و روۋەشا ئەو سەرکۊتەی کەرڎەن، سەرو ڕاو گەشمەرڎا و خەتەو ئاپۊیی بە شێۋېوە بۍ دوودڵی ئەرەکۊشا و دۊزی ئازاڎیی بە سەرکۊتەی تاجدار مکەرا".
هـ . ش
