هەپەگە یاڎو دوۋۍ گەریلایا گەشمەرڎەیش بەرز نرخنا و ئەرەیاۋناش، "وەعد مڎەیمۍ، کە تا سەرکۊتەی وەردەوامۍ بیمۍ جە ئەرەکۊشای ھامڕا گەشمەرڎەکاما و یاڎ و یادەوەریەکاشا جە وڵاتە ئازاڎەکەمانە بە زینڎەیی ڕاگېرمۍ."

ناۋەنڎو یاۋنەری و چاپەمەنیی هەپەگەی سەبارەڎ بە گەریلا گەشمەرڎەکا یاۋنەریېش ۋەڵاکەرڎۊ:

"گەریلاکۍ ئازاڎیی کورڎسانی بە ئیراڎەی ئاپۊیی وەرەنگارۍ ھجومەکا دەوڵەتی فاشیستی تورکی باوە و وەردەوامی بە ئەرەکۊشای دۊزی ئازاڎیی گەلەکەیما مڎا. نرخدارتەرین ڕۆڵۍ گەلەکەیما، بە شکۊمەنڎی، پاڵەوانانە، ئازای و فیداکارانە، بە گرڎ جۊرە قوربانیدایۍ و فیداکاری و بە بەخشای ژیای ۋېشا سەرمەشقی پۍ دۊزی ئازاڎیما کەرا. ھامڕېما "ڕێزان و ئازاد"، کە بەشڎاریشا جە مدرامانو ساڵەو ٢٠٢٢ېنە کەرڎ، جە دژوو ھجومە ئەرەگیریەکا دەوڵەتو تورکی پاکتاوکاری مرڎېوە و دماو ئانەی ئازایانەو بۍ دوودڵی جەنگشا کەرڎ و دەوری تاریخی ۋېشا گېڵنا، جە ئاکاموھجومەکا دوژمنیەنە گەشمەرڎۍ بیۍ. ھامڕېما "ڕێزان و ئازاد"، کە جە ئەرزرۊم و دوزخورماتوۊ پەیوەنڎیشا بە ڕیزەکا پەکەکەیۊ کەرڎ، بیۍ بە هێماو وشیاریۍ بەقوەتی نیشتمانپەروەری و وڵاڎپارێزی، ئی ھەڤاڵۍ یۊنۍ جە پاڵەوانە ڕاستەقینەکا گەلەکەیما. سەرەوەشی جە خانەواڎەو هەڤاڵاما و گرڎو گەلی ۋڵاڎپارێزو کورڎسانی مکەرمۍ. وەعد واوەی کەرمېوە، کە ئێمە ئەرەکۊشای ھامڕا گەشمەرڎەکاما حەتاوەکو سەرکۊتەی درێژە مڎەیمۍ پنە و یاڎ و یادەوەریشا جە ۋڵاتو ئازاڎو ۋېمانە بە زینڎەیی ڕاگېرمۍ.

ئشناسنامەو هەڤاڵە گەشمەرڎەکاما:

نازنامۍ: ڕێزان دێرسیم

نامۍ و دمانامۍ: سەردار سومبول

یاگۍ جە ئەڎابیەی: ئەرزرۊم

نامۍ ئەڎۍ و نامۍ تاتەی: گولسەنە - نازر

وەخت و یاگۍ گەشمەرڎەبیەی: ۱۰و کانوونی یوۋەمو ۲۰۲۲ / مەتینا

****

نازنامۍ: ئازاد غازی

نامۍ و دمانامۍ: زیرەک لوقمان

یاگۍ جە ئەڎابیەی: دوزخورماتوو

نامۍ ئەڎۍ و نامۍ تاتەی: بێخاڵە - لوقمان

وەخت و یاگۍ گەشمەرڎەبیەی: ۱٦و کانوونی یوۋەمو ۲۰۲۲ / زاپ

ھ . ش