هەپەگە ئشناسنامەو ٢ گەشمەرڎاش ئاشکرا کەرڎ
هەپەگە ئشناسنامەو ٢ گەریلایاش ئاشکرا کەرڎ کە بەستانە گەشمەرڎۍ بیۍ. جە ئەرەیاۋناکەنە ئامان: "جە کەسایەتی ھامڕایا دڵشێری و باوەڕینە گەشمەرڎا مانگەو ئایاری و گرڎو گەشمەرڎا بە رێز و پنەزانایۊ ۋیر مارمېوە".
ناۋەندو یاۋنەری و چاپەمەنی هەپەگەی سەبارەڎ بە ٢ۍ گەریلایا کە بەستانە گەشمەرۍ بیۍ ئەرەیاۋنېوەش ۋەڵاکەرڎۊ. ئەرەیاۋناکە پی جۊرنە:
"سوپاو تورکی ئەرەگیری سەربارو قەرارو جمیەرەکەیما جە بارەو مرڎنای چالاکی کە بە مەڵامەتو بومەلەرزەکەو ٦ و شوباتیۊ ئەرەیاۋنابېش، ھجومە پاکتاوکەرییەکېش پۍ سەرو هێزەکاما سەرەمڕەو بۍ مرڎای درێژەش پنە دېنۍ و ھەڵایچ وەردەوامیشا ھەن. هەرێمو بەستا ینە جە ١٥ و ١٦و ئایارینە بەمەبەسو دلېنەبەرڎە و پاکتاوکەرڎەی هێزەکاما، سوپاو تورکی ئەرەگیری ھجومش ئەنجامدا. هێزەکېما وەرەن ڕوو ئەرەگیرا بیېوە و ناچاربە جەنگی کریۍ. جە وەران ۋەرو ھجومەکا سوپاو تورکینە کە بە ژمارېوە فرە سەروازۍ، جاشۍ، تەکنەلۊجیاو جەنگی، هەلیکۊپتەری ھجومکەر و فڕۊکەی جەنگی ئەنجامشا دا، ھامڕېکېما جە بەستا ٢ ۍ ڕوۍ مدرامانۍ فرە گۊرەشا ئەنجامدا. هامڕېکېما چېرو فەرمانڎەیی ھەڤاڵ "دڵشێر"ینە ئا ئۊپەراسیۊنەشا شکس پنەئارڎ و بە گیانێوە گەورەی فیداییۊ ئەو دوژمنیشا دا. دوژمن دڎانش پانەیرە نیان کە چا جەنگەنە ٥ سەروازۍ و جاشېوە کوشیېنۍ، بەڵام ژمارەو کوشیایا دوژمنی فرە زیاتەرا. دۊڵەت پۍ ئانەی شکسەکەیشا وەران ۋەر بە گەریلاکا سەرنیشتینە ئاشکرا نەبۊ ژمارەو کوشیایا ۋېشا ئاشکرا مەکەرۊ. چا جەنگەنە ھامڕېکېما "دڵشێر، چیاڕەش و باوەڕمەد" بە شێۋېوە گیانبازانە و بێتەرس جوابو دوژمنیشا داوە و جە جەنگەنە بە قارەمانی گەشمەرڎۍ بیۍ.
ھامڕېما دڵشێر چیاڕەش و باوەرمەد کە جە مانگەو گەشمەرڎانە کە مانگەو ئایارینە یاۋۍ بە قافڵەو گەشمەرڎا، پېسە ئەڵقېوە گەشمەرڎەبیەی گرنگی لوۋۍ دلۍ تاریخو کۊشیایماوە. ھامڕېما دڵشێر و باوەڕ کە بۊتانەنە حۊلشا دا دەروێشانە ئەرکی ئاپۆیی ۋېشا جابەجۍ کەرا، بیۍ بە گۊرەتەرین راسی کە رێبوارۍ خەتەو گەشمەرڎا گەریلاکا ئازاڎیی کورڎسانینۍ. جە کەسایەتی ھامڕایاما دڵشێری و باوەرینە ئێمە گەشمەرڎا ئایاری و تەمامو گەشمەرڎاما بە رێز و پنەزانایۊ ۋیرمارمۍ ، وەعد مڎەیمۍ کە بە بۍ دوۋە دڵی و کۊشیای پۍ یاڎو ئاڎیشا درێژە پنەمڎەیمۍ.
سەرەتا خانەواڎەو بەنرخو ھامڕایا گەشمەرڎەیما، حەرپاسە جە کەسایەتی عەشیرەتەکا مامخوری و دڕینە سەرەوەشی جە تەمامو گەلوو کورڎسانی مکەرمۍ.
زانیاری سەرو ئشناسنامەو ھامڕایا گەشمەرڎەیما ئینەن:
ناسنامۍ: دڵشێر چیاڕەش
نامۍ و دمانامۍ: محەمەد عەلی ئاڵیجی
یاگۍ جە ئەڎابیەی: وان
نامۍ ئەڎۍ- نامۍ تاتەی: سۊسەنە- بەکر
وەخت و یاگۍ گەشمەرڎەبیەی: ١٦و ئایارو ٢٠٢٣/ بەستا
ناسنامۍ: باوەڕ مەد
نامۍ و دمانامۍ: دیجلە یەمەن
یاگۍ جە ئەڎابیەی: جۊلەمێرگ
نامۍ ئەڎۍ- نامۍ تاتەی: فاتمە- نایف
وەخت و یاگۍ گەشمەرڎەبیەی: ١٦و ئایارو ٢٠٢٣/ بەستا
هـ . ش
