هەپەگە ئشناسنامەو ٢ گەشمەرڎاش ئاشکراکەرد
هەپەگە ئشناسنامەو دووۍ گەریلایاش ئاشکراکەرد کە مەتینانە گەشمەرڎۍ بیێبێنۍ و واتش: "هامڕێما ساسۆن و ژێهات بە هەڵوێس و کۊشیایشا بیۍ بە عالتەرین نمونەو جەنگاوەری ئاپۆیی".
ئەرەیاۋناکەو ناوەنڎوو ئەرەیاۋنای و چاپەمەنی هەپەگەی، پی جۊرەنە:
"جە ١٥/١/ ٢٠٢٤ینە پۍ گەلی و ڕای گرڎیی وەڵاماکەردەبێوە، کە جە هەرێموو مدرامانوو کەش و هەکارینە چالاکیێوە هەماهەنگانە ئەنجام دریان. چی چالاکیەنە ١٢ ئەرەگیرۍ سزادریێنۍ و ٨ ئەرەگیرێچ زامڎارۍ بیێنۍ، چی چالاکیەنە هامڕاما ژێهات بە ڕۆحیەتۍ ئاپۆی و قارەمانیێوە گۆرۆ مدرامانش کەرد و گەشمەرڎە بی. حەرپاسە هامڕا ساسۆن کە جە هەمان چالاکینە بەشداربۍ، جە دماو چالاکیەکەی گەشمەرڎە بیەبۍ.
هامڕێما ساسۆن و ژێهات بە تایبەتمەندی ڕۆحیەتوو ئاپۆیی، جە وەختوو ژیۋای و جەنگیچەنە بیێبێنۍ بە نمونێوە ڕۆشنوو گیانفیدایی ئاپۆی و بە حورمەتۆ جە تاریخوو کۊشیایمانە بنەشا وستە. هامڕێما ساسۆن و جێهات، جە ۋەران ۋەروو هجومی ئەرەگیری و قڕکەرینە جەسڎەو ۋێشا کەرد بە قەڵغان و تا دما هەناسە گژیۍ. بە هەڵوێس و کۊشیایشا بیۍ بە نمونێوە گۆرەو جەنگاوەری ئاپۊیی.
سەرەوەشی ۋێما پۍ بنەیانەو هامڕایاما ساسۆنی و ژێهاتی و گرڎوو گەلی وڵاتپارێزوو کوردسانی بەربڕمۍ، جارێوەتەر واوەیش کەرمێوە یاڎشا جە کۊشیاینە بە زینڎەیی ڕاگێرمۍ.
زانیارییەکۍ سەروو ئشناسنامەو هامڕایا گەشمەرڎەیما پی جۊرەنە:
ناسنامۍ / ساسۆن ئاسمین
نامۍ و دمانامۍ / موراد ئۆچەک
شۊنماو جە ئەڎابیەی / وان
نامۍ ئەڎۍ و نامۍ تاتەی / سینەم – جەعفەر
شۊنماو وەختوو گەشمەرڎەبیەی / ١٣/١/٢٠٢٤ - مەتینا
*****
ناسنامۍ / ژێهات باگۆک
نامۍ و دمانامۍ / محمەد گۆموش
شۊنماو جە ئەڎابیەی / ئامەد
نامۍ ئەڎۍ و نامۍ تاتەی / بەدییە - فرات
شۊنماو وەختوو گەشمەرڎەبیەی /١٣/١/٢٠٢٤ – مەتینا
