فەرماندەە گرڏی هێزەکا ئاسایشو دلیینەو هەرێمو سەرنیشتوو و وەرکەوتوو سوریای سەبارەت بە هرووژمەکەی ئی زانیاریێشە ئەرەیاونێ: "شانێوە چەتەکا داعشی جە هەرێمو هەبۆو شارو حەسەکەی هرووژمش کەرد سەرو بەشێوە جە هێزەکاما کە جە دەورنە بێنێ، شانەکە یەرێ ماتۆڕێشا پنە بێنێ، جە هرووژمەکەنە، نارەنجۆکێ دەسیێشا دژو هێزەکاما بەکار ئاردێ.

هێزەکێما جوابو هرووژمەکەیشا داوە و جەنگێ کوڵ ڕووەشدا. جە ئەنجامەنە ئەندامێوە چەتەکا یاگێ ڕووەداکەینە کوشیا و دوو ئەندامێ تەرێچ باڵبەسکریێ. هێزەکێما جە ناوچەکەنە بەردەوامێنێ جە ئۆپەراسیۆنو گێڵای و وشکنای.

یاگێ ئاماژەینە پەی دڵنیابییەی جە پارێزناو ئارامی هەرێمەکاما و نازتەو هەڕەشەکا پەی سەر ئاسایشی و سەڵامەتی هاموڵاتیا مەدەنی، گرڏ ڕێوشۆنێ پەنەوازا گێرمێنە وەر."