هەڤاڵ ئەبوبەکر جەختش جە گرنگی پەیامەکەو ڕابەر ئاپۆی کەردۆ و ئاماژەش پانەی دا کە بەبێ ئازادی ڕابەر ئاپۆی ئاشتی بێ مانان و واتش: "پەیامەکەو ئېژا ئۆجالانی جوابێوە بۍ پەی ئاژەو ئیساتۍ ناوچەکەی و ۋەرکۊتوو مېیامینی و جەهانیچ کە پەنەوازشا پی جۆرە پەیامیە بۍ."
جە دیڎارێوەنە چنی ئاژانسوو هەواڵوو ڕۆژ نیوزی، د. هەڤاڵ ئەبوبەکر پارێزنەرو سلێمانی، پېوەس بە کاریگەری پەیامە تاریخیەکەو ٢٧و شوباتو ڕابەر ئاپۆی هۊرسەنگنایش کەرد. هەڤاڵ ئەبوبەکر جەخت جە گرنگی و پەنەوازی ئازاڎیی بەڎەنی ڕابەر ئاپۆی مکەرۆوە و بە هەنگامەی بنەڕەتیە پەی پڕۆسە و ئاردەی ئارای ئاشتی نیاشەرە.
هەڤاڵ ئەبوبەکر ئاماژەش پانەی دا پەیامەکەو ڕابەر ئاپۆی ئانەی بەروزۆ کە گەلوو کورڎی گەلێوە ئاشتیوازا و ئینەش وات: "پەیامەکەو ئېژا ئۆجاڵانی ئا حەقەتینیە بەروزۆ کە گەلوو کورڎی بەردەوام داواو ئاشتیش کەردەن، جوابێوە بۍ پەی ئاژەو ئیساتۍ ناوچەکەی و ۋەرکۊتوو مېیامینی و جەهانیچ کە پەنەوازشا پی جۆرە پەیامیە بۍ، بەدیئاوردەی ئاشتیی جە ناوچەکەنە بە ماناو ژیۋایۆ ئابووری و بەرقەرار بیەی ئەمنیەتو ناوچەکەی و جەهانیچ مۍ."
'ئاشتی بە بێ ئازاڎیی حیچ مەعنێوەش نییەنە'
هەڤاڵ ئەبوبەکر جەختش جە پەنەوازی ئازاڎیی بەڎەنی ڕابەر ئاپۆی کەردۆ و واتش: "ئاشتی پەنەوازش بە ئازادیی و متمانەیا پۊکەی مشۊم تورکیا دەسوەڵۍ وزۆ جە ئازاڎکەردەی ئېژا ئۆجاڵانی و دەمیرتاشینە، بەبێ ئازادیی ئاشتی حیچ مەعنێوەش نییەنە، چی مەرحەلەنە گرنگا گرڎ لێوە ئارامۍ با جە سەروستەی ئی پرۆسەو ئاشتییە و بەدیئاوردەی ئی پرۆسەیە تەنیا بەیەک لایەن نمەبۆ."
'نەورۆزو ئێساڵی نەورۆزو یەکڕیزی گەلوو کوردی بۍ'
پېوەس بە مبارەک باییەکا نەورۆزو ئێساڵی هەڤاڵ ئەبوبەکر واتش: "یەکڕیزیی و یۆگێرتەیی کوردی جە نەورۆزو ئېساڵینە ئانەش بەروست کە کورد پەی بەدیئاوردەی ئاشتی یەکڕیز و یەکدەنگا، کە ئینەیچ قۆناغێوە گرنگا کە کورد پنەش یاوان و مشۊم پارێزنمێش."
