سیاژین باوەڕە جەنگەوانەو یەپەژەی ئەرەیاۋناش بانگەوازەکەو ڕابەر ئاپۆی بانگەوازێوە جەهانییا و واتش: " بانگەوازو ئاشتی و گلېرگەی دیموکراتیک بە سەرمەشقایەتی ڕابەر ئاپۆی سەرگنۆ."
جە سەدەو ٢١ینە، هێزو ژەنا جارێوەتەر کاریگەری ۋێش سەرو تاریخی نیشانەدا. ئیجارە هێزو پارېزنای ژەنا ئشناسیا بە یەپەژەی (یەکینەکۍ پارېزنای ژەنا) بە شوناسێوە ئازاد و ئیراڎێوە هێقمۆ، کاریگەری تاریخی ۋێش نیشانەدا. بەنداوو تشرینی بە قوربانی و ئەوەکۊشایۍ فرۆ ئشناسنامەو "بەنداوو گەشمەرڎاش" هۊرگېرت. چی بەنداوەنە عەگید و زیلانەکۍ ئی خاکیە جارێوەتەر ۋێشا بنیاڎ منیاوە. بێ گومان ئەوەکۊشای هێزو مڎرامانی و هێزو شۆڕشگێڵنی گەلی، گرڎو هرووژمە ئەرەگیرییەکێش ماڕۍ. ئینە باوەڕێوەن کە ڕۆح و ئاوەز و بەڎەن پەی یەک مەرامی، ڕووبەڕوو ئەوەکۊشای مکەرۆوە.
مڎرامانوو یەپەژەی گرڎ یاگێنە پەرەش ئەسا
سیاژین باوەڕە کە نزیکەو یەرۍ مانگان جە مڎرامانوو بەنداوو تشرینینە بەشدارەنە، پەی ئاژانسوو هەواڵوو فوراتی (ANF) قسێش کەردۍ و واتش: "مڎرامانوو فەرماندە و جەنگەوانا یەپەژەی جە بەنداوو گەشمەرڎانە سەرچەمەو هێز و ورەی بۍ پەی من. مڎرامانوو یەپەژەی جە گرڎوو دنیێنە دەنگش داوە. یۆ چا مەڵامەتا کە ڕەوتو بەنداوو تشرینیش فاڕا، هێزو ژەنا یەپەژەی بۍ جە بەرەکا جەنگینە. چی مڎرامانەنە جەنگەوانۍ زامڎارۍ و گەشمەرڎۍ بیۍ، بەڵام بە مڎرامانیشا هێزشا پنە بەخشایمۍ.'
جە قۊڵەکا وەڵېوە جەنگینە هەمیشە ڕۆحێوە فیداکارانە سەرمەشقایەتی مکەرۆ. من ئەوەڵجارما بەشداری جەنگی مکەر و بە چەما ۋێم شایەتەو ئانەی بېنا کە ئیرادەو ئازادی ژەنا و ڕۆحو ئەوەکۊشای چنینا. ئینەیچ بی بە ئەزموونێوە گۊرە پەی من.
ئامانجم هەمیشە ئانە بیەن کە هێزو ۋێم بشناسو. پەی ئانەی سەلەمنوش کە من تەنیا ئامرازێوە یانەی نیەنا. ژەنی متاوا جە هەر مېڎانێوەنە ئەۋەکۊشا و ۋەرپرسیاری گۊرە جە ئەستۆ گێرا و چنی ڕووبەڕوو ئەرەگیری باوە.
"بانگەوازکەو رابەر ئاپۆی بانگەوازێوە جەهانییا"
سیاژین باوەڕە سەبارەت بە بانگەوازەکەو رابەر ئاپۆی واتش: "سەرەتا ۋینای وێنەکەو ڕابەر ئاپۆی هێز و مۆڕاڵێوە فرەش پنەبەخشانی. بانگەوازەکەو ڕابەر ئاپۆی بانگەوازێوە جەهانیا. بانگەوازو ئاشتی و گلېرگەی دیموکراتیک بە سەرمەشقایەتی ڕابەر ئاپۆی سەرگنۆ. ئێمە کار و ئەوەکۊشایما سەرو بنەماو ئا بانگەوازییە بنیاڎ منیەیمۍ و سەرو ئا بنەمایە ڕێکوستەی بەرەو وەڵۍ بەرمۍ."
