ئۆزەل: مەمدرمێ، بەردەوامێ بیمێ جە تەرسنایشا
سەرۆکو گرڏی جەهەپەی ئۆزگور ئۆزەل سەرش ۋنەو سەرۆک شارەوانی گۆرەو شارو ئەستەنبوڵی ئەکرەم ئیمام ئۆغلووی زینانی کریای دا. ئۆزەل واتش: "مەمدرمێ، گرڏ کاتێ تەرسنمێشا و شکستشا پنەمارمێنە و بەهێزتەرێ بیمێ."
سەرۆکو گرڏی جەهەپەی ئۆزگور ئۆزەل لوا سەردانو سەرۆکو شارەوانی ئەستەنبوڵی ئەکرەم ئیمائۆغلوو کە جە زینانو مەڕمەڕینە زینانی کریان.
ئۆزەل دماو سەردانیەکەیش وەڵێ زینانەکەینە ئەرەیاونێوەش دا و واتش: "ئینایمێ ساڵەو ٢٠٢٥ینە، داخەم مەشۆم ئینایمێ سیلیڤرینەنە. وەرو ئا دۆخەو ئیسەی کە تورکیاش ئینا چنە،چیاتی ئانیشا تورکیای بەراڕاوە شەرم گێرۆنەم."
ئۆزەڵ پەی ١٩و ئاداری واتش 'هەوڵدای کودەتان جە دژو مەدەنییەکا' و ئاماژەش پانەیەدا ئی هەوڵێ 'جە لایەنو گەلیۆ ڕاگیریش ونە کریا.'
ئۆزەل ئاماژەش پانەیەدا 'دەموچەمو ئەردۆغانینە تەرسی وینمێنە' و واتش: "شۆڕشو دیموکراسی سیستەمو دژە دیموکراتیکو ئەردۆگانی، دلێنە بریان."
ئۆزەل داواش جە ئاپەکەی و مەهەپەی کەرد و واتش: "چی جەژنێنە چنی هورچنییەکا ئاپەکەی و مەهەپەی جەژنە موبارەکە مکەرمێنە، بەڵام جەژنەو ئەنقەرەی موبارەکە مەکەرمێنە. مەمدرمێ، هەمیشە تێکشا مرەیمێ و تەرسنمێشا و بە هێزتەرێ بیمێ."
