وەرکەوتوو کوردەسانینە بە جۆش و خرۆشۆ نەورۆز بەردەواما
کەیفوسەفاو نەرۆزی جە وەرکەتوو کوردەسانینە بەردەواما و جە چنین یاگێ تەرێنە نەورۆز موبارەک کریا.
جە ٢٤و ئادارو ڕۆو دووە شەممەینە جە چنین هەرێمو وەرکەوتوو کوردەسانینە بە بەشداری هەزاران کەسێ نەورۆز موبارەک کریا.
بە پاو زانیارییەکا جە دەگاو گەردیگلانو بۆکانه، دەگاو چاپانی و تۆمارقامیش سەر بە سەقزی، ناوچەو قەسرو شیرینی و ناوچەو گیلانی، دەگاو بیامەو گۆرانی، دەگاو بیامێ سەر بە کرماشانی، دەگاو نەوێهەنگی جە سنە، دەگاو چەقەڵ مستەفای سەر بە ناوچەو نەغەدەی جە سنوورو ورمێ، دەگاو حەساری جە بۆکان، دەگاو نێ جە مەریوان، دەگاو چیانە و گەزگەسکی سەر بە پیرانشاری، نەورۆز بە بەشداری هەزاران کەسێ بە جۆشێوە فرە موبارەک کریا.
