مییانو ئەرەیاوناو هێزەکا سوریای دیموکراتیکی (قەسەدە) ئامارەو ٢٤ سەعاتا ویەردەو هرووژمو ئەرەگیرا و وەربەرچدایۆ هێزەکاش ئاشكرا کەرد. جە ئەرەیاناوکەینە دەستنیشان کریان یەکینەکێ گەشمەرڏە هاروونی جە چوارچێوەو وەربەرچدایۆو هرووژمەکانە دووێ درۆنێ چەتەکا دۆڵەتو تورکیشا وستنێرە وار.

ئەرەیاوناکەو قەسەدەینە ئی زانیاریێ وسیێنێرە ڕوێ:

"دۆڵەتو تورکی ئەرەگیری و چەتەکاش هیزی (دووەشەمە) بۆمبواران ی سەختو دەوروبەرو بەنداو تشرینیش کەرد. جو ئەنجامو بۆمبورانەکەینە زەرەری ماددی فرەش ونە کەوتۆ. فڕۆکەی بێفڕۆکەوانو دۆڵەتو تورکیچ بە بەردەوامی بە ئاسمانو هەرێمەکەیرە گێڵێ.

چەتەکێ دۆڵەتو تورکی ئەرەگیری بە درۆنێ هرووژمو سەرو خاڵێوو هێزەکاما کەرد، یەکینەکێ گەشمەرڏە هاروونی وەربەرچو هرووژمەکیشا داوە و چنی ماڕاو هرووژمەکەی دووێ درۆنێشا وستێرەوار.

بە درێژایی ڕۆکەی فڕۆکەی بێفڕۆکەوانو ئەرەگیرا سەرو هەرێمو دێر حافری خولیانۆ."