هەڤاڵ ئەبوبەکر جەختی کردەوە لە گرنگی پەیامەکەی ڕێبەر ئاپۆ و ئاماژەی بەوەدا بەبێ ئازادی ڕێبەر ئاپۆ ئاشتی بێ مانایە و گوتی: "پەیامەکەی بەڕێز ئۆجالان وەڵامێک بوو بۆ دۆخی ئێستای ناوچەکە و ڕۆژهەڵاتی ناوەڕاست و جیهانش کە پێویستیان بەم جۆرە پەیامە هەبوو."
لە لێدوانێکییدا بۆ ئاژانستی هەواڵی ڕۆژ نیوز، د. هەڤاڵ ئەبوبەکر پارێزگاری سلێمانی، پەیوەست بە کاریگەری پەیامە مێژوویەکی ٢٧ی شوباتی ڕێبەر ئاپۆ هەڵسەنگاندنی کرد. هەڤاڵ ئەبوبەکر جەخت لە گرنگی و پێویستی ئازادی جەستەیی ڕێبەر ئاپۆ دەکاتەوە و بە هەنگاوی بنەڕەتی بۆ پڕۆسە و هێنانەئارای ئاشتی دانا.
هەڤاڵ ئەبوبەکر ئاماژەی بەوەدا پەیامەکەی ڕێبەر ئاپۆ دەرخەری ئاشتیخوازی گەلی کوردە و ئەمە دەڵێت: "پەیامەکەی بەڕێز ئۆجاڵان دەرخەری ئەو ڕاستیەیە کە کورد بەردەوام داوای ئاشتی کردووە، وەڵامێک بوو بۆ دۆخی ئێستای ناوچەکە و ڕۆژهەڵاتی ناوەڕاست و جیهانش کە پێویستیان بەم جۆرە پەیامە هەبوو، بەدیهێنانی ئاشتیی لە ناوچەکەدا واتا بوژانەوەی ئابووری و جێگیربوونی ئاسایشی ناوچەکە و جیهانیش."
'ئاشتی بە بێ ئازادی هیچ مانایەکی نییە'
هەڤاڵ ئەبوبەکر جەختی لە پێویستی ئازادی جەستەیی ڕێبەر ئاپۆ کردەوە و گوتی: "ئاشتی پێویستی بە ئازادییە و متمانەیە بۆیە دەبێت تورکیا دەستپێشخەری بکات لە ئازادکردنی بەڕێز ئۆجاڵان و دەمیرتاشدا، بەبێ ئازادیی ئاشتی هیچ مانایەکی نییە، لەم قۆناغەدا گرنگە هەموو لایەک ئارامبن لەسەرخستنی ئەم پرۆسەی ئاشتییە و بەدیهێنانی ئەم پرۆسەیە تەنها بەیەک لایەنە نابێت."
'نەورۆزی ئەمساڵ نەورۆزی یەکڕیزی گەلی کورد بوو'
پەیوەستە بە پیرۆزباییەکانی نەورۆزی ئەمساڵ هەڤاڵ ئەبوبەکر گوتی: "یەکڕیزیی و یەگرتوویی کورد لە نەورۆزی ئەمساڵ ئەوەی دەرخست کە کورد بۆ بەدیهێنانی ئاشتی یەکڕیز و یەکدەنگە، کە ئەمەش قۆناغێکی گرنگە کە کورد پێیگەشتووە و دەبێت پارێزگاری لێبکەین."
