جە شاروو ئیلح بە بەشداری هامسەرۆکا گرڎیی پارتوو هەرێمە دیموکراتیکەکا (دەبەپە)ی چیدەم لچگون ئوچارە و کەسکین بایندر ئێروو نەورۆزی کریاوە.

بە هەزاران کەسۍ جە کۊڵانەو کۆرکی شارینە کوۍ بیێوە و بە دروشمەکا 'بژیۋۆ سەرۆک ئاپۆ'، بێ سەرۆکی ژیۋای مەبۆ'، 'ژەنی، ژیۋای، ئازاڎیی' گەنجاو فیدایی ئاپۆیینم'، 'قەیوم بلۆ، گەل بۍ'، 'بە مدرامان سەرۍ گنمۍ' و 'پەکەکە گەلاو گەل ئینا چۍ' ڕاپیمایشا کەرد.

جە مێڎانوو کۊڵانێنە چنی دروشمەو 'بژیۋۆ سەرۆک ئاپۆ' ی ئێروو نەورۆزی کریاوە.

'نەورۆزوو ئازاڎیی پۍ عەبدوڵا ئۆجالانی'

هامسەرۆکوو دەبەپەی کەسکین بایندر قسێش کەردۍ و واتش: "جە ١٥و ئادارینە ئێروو نەورۆزی جە مەنتیقەو دەپینە ئێر کەرمێوە. ئێروو نەورۆزی جە ماواو مەزڵوم دۆغانینە کەرمێوە. نەورۆزوو ٢٠٢٤ پۍ ئازاڎیی بەڕێز ئۆجالانی و ئازاڎیی گەلوو کوردی پیرۆز کەرمۍ. جە نەورۆز هەتا ٣١و ئاداری وەختوو هۊرچنیەکا ئەرەکۊشمۍ، ڕۆ ڕۆو کوردان، ڕۆو ئازاڎیی کوردان، نەورۆز پیرۆز بۆ جە گەلوو کوردی."