"سەعد مەعان" قسەکەرو وەزارەتو جبەرو عێراقی ئەرەیاۋناش،  جە بەغڎا چۋار یانۍ شەوانۍ کە قومارشا چنە کریان، جە لایەنو پۊلیسیۊ وزیێنېرە.

ئەرەیاویا کە ١٥٩ هاموڵاتیۍ عێراقی و ٣٢ کەسۍ بیانیۍ گیریێنۍ و دەس گیریان سەرو میقدارۍ زەڕیرە.

جە عێراقەنە مانگەو رەمەزانینە ورەتەی و بەکارئاورڎەو مادە کحوڵیەکا قەڎەغەن. حەرچنڎە واردە کحوڵیەکۍ عێراقەنە ئازاڎێنۍ، بەڵام موحافزکارەکۍ دژوو ئا ھەرمانێنۍ. بەعزەجارێچ باس جە قەڎەغەکەرڎەو وارڎە کحوڵیەکا بە یەکجاری کریۊ.

جە ٤و رەمەزانیەنە گومرکەکۍ ئەرەیاۋنابېشا؛ کە ئاورڎەکەرڎەو مادە کحوڵیەکا قەڎەغەکریان، بەڵام دماتەر جە بەغڎا کە هاموڵاتیۍ کریستیان و ئێزدیچش چنەنۍ، ڕا دریا ورەشیۊ.

ھ.ش