جە بێلگراد دەیان هەزار کەسۍ دژوو تنوتیژی ڕاپیمایشا کەرڎ
بێلگرادو پایتەختو سربیاینە دەیان هەزار کەسۍ دژبە تنوتیژی چەکڎاری ڕاپیمایشا کەرڎ.
دماو دوۋۍ کۊکوژیا کە سەرەتاو مانگەو ئایاری ئەنجامدریۍ، گرڎ حەفتېوە جە بێلگرادی پایتەختەنە ۋېنیشاندای جەماوەریۍ ملا ڕاوە.
ڕاپیماو ڕۊو شەممەی بە بەشڎاری دەیان هەزار کەسا سازکریا. بە دروشمەو 'سربیا دژوو تنوتیژیین' گەل ۋېنیشاندایشا کەرڎ. چالاکییەکۍ کە سەرەتا بە شێۋېوە ماتەمگېڵی دەسشاپنەکەرڎ، دماتەر فاڕیا پۍ توڕەیی بەربڕیەی وەران ۋەر بە دەسەڵاتو سەرۊکو حکومەتی ئالکساندر ڤوجیج.
چالاکەکۍ داوا مکەرا ئیجازە جە کەناڵەکا سەر بە حکومەتی سنیۊوە، وەرو ئانەی جە بەرنامەکاشانە ڕا پۍ تنوتیژی وەش کەرا. حەرپاسە حکومەتیچ پانەی تۊمەڎبار کەرا کە کەشێوە تنوتیژش وەشکەرڎەن، یا چەمپۊشی جە تنوتیژی مکەرۊ.
٣ۍ ئایاری زارۊڵېوە عومر ١٣ ساڵ جە ۋەننگېوە بێلگرادینە ٩ زارۊڵۍ و پاسەوانێوە ۋەننگەکەیش کوشتۍ. ٤٨ سەعاتۍ دماتەر پیېوە گەنج نزیک بە پایتەختی جە دوۋۍ دەگېنە ٨ کەسېش کوشتۍ.
هـ . ش
