جە عەفیرینی ئەرەگیریانە، شەڕڤانەکێ ئازادی بەردەوامێنێ جە ئەنجامدای چالاکی دژ بە هێزە ئەرەگێرەکێ ڕژێمو تورکیای و تاقە چەتە بەکرێگیریاکێ ئا ڕژێمەیە و گورزێ قورسێشان ونە مڎانێ.
جە ئی بارەوەهێزەکێ ڕزگاری عەفرینی- (HRE) ئەرەیاونایوی لەشکریەنە دان و ئاشکراش کەردەن، شەڕڤانەکێمان چەنڎین چالاکیێشان دژ بە تاقمە چەتەکێ (جەبهەت ئەلشامییە)ی ئەنجامێ دێنێ و  زیانی فرەی گیانی و مادیشان ونە دریان کە بەی جۆرەنێ:

جە ڕێککەوتو ٢٠٢٠/١١/٠٦ی، دلێ شارو (عەفرین)یەنە،  چالاکی دژ بە (جەبهەت ئەلشامییە)ی ئەنجام دریان و جە ئاکامشەنە ٢ چەتێ کوشیێنێ و ٤ تەرێ بریندارێ بیێنی. هامکات ماشینێوی سەربازی هەمان تاقمی کریان ئامانج کە ژمارێو چەتێ سەرنشینێش بیێنێ و جە ئەنجامشەنە ماشینەکە هۆروێڵیان بەڵام زیانە گیانیەکێ نەزانیێنێ.

جە ڕێککەوتو ٢٠٢٠/١١/٠٨ی، جە گەڕەکو ئەشرەفییەو عەفرینی، بنکێوی سەربازی سەر بە  هەمان تاقمە چەتەی بە ئامانج گیریان و جە ئاکامەنە ٣ چەتێ کوشیێنێ و ٧ چەتێ تەرێ بریندارێ بیێنێ و زیانی ماددی فرە جە بنکە سەربازیەکەی دریان.

سەرەڕاو دەربازبییەی نزیک بە ٣ ساڵێ سەرو ئەرەگێرتەی عەفرین-یەرە، بەڵام مدرامان دژە بە هێزە ئەرەگێرەکێ ڕژێمو تورکیای و تاقمە چەتە بەکرێگیریکێش بەردەوامەن.
هەر شۆنەو ئەرەگێرتەی عەفرین-یەرە، سەرەتا هێزەکێ غەزەبو زەیتونی مەرزنیێرە و دماتەر هێزەکێ ڕزگاری عەفرینی مەرزیێرە بە ئا ئامانجە تا عەفرینی جە ئەرگێرتەیی ڕزگار بکەرانێ. بە درێژایی نزیک بە ٣ ساڵێ ئەرەگێرتەیی تورکیای، هێزەکێ غەزەبو زەیتونی و ڕزگاری عەفرینی سەدان چالاکیێشان دژ بە سپا داگیرکەرەکەو تورکیای و تاقمە چەتە هەمکارەکانش ئەنجامێ دێنێ و جەئاکامشانە سەدان سەربازێ تورکیای و سەدان چەتێ تاقمە چەتەکان کوشیێنێ و سەدانی تەرێ بریندارێ بیێنێ. 
هێزەکێ ڕزگاری عەفرینی- (HRE) کە ئیسە تاکە لایەنەن جە عەفرین دژ بە ئەرەگێرتەیی مدرانەوە و چالاکیێ ئەنجامێ مڎۆنە، جەنڎین جارێ ئاشکراش کەردەن: بڕیارشان دان تا ڕزگارکەردەی عەفرینی و شەهبای، دژ بەهێزە ئەرەگێرەکان درێژە بە چالاکییەکانشان بڎانێ و سەرجەم ئا کەسێ و لایەنێ و هێزێ سزێ بڎۆنە کە دەستشان جەئەرەگێرتەی عەفرین-ینە بییەن و تاوانێشان دژ بە عەفرینی و خەڵکی و ژوگەکەیش ئەنجامێ دێنی.