جە گرکێ لەگێ و تەبقانە ئێروو نەورۆزی کریاوە
ئەرەنیشتا گرکێ لەگێ و تەبقای ئێروو نەورۆزیشا کەردۆ و دوروو ئایرەکەیرە زەماۋنەشا گێڵنا.
ئایروو نەورۆزوو ٢٠٢٤ جە گرکێ لەگێ و تەبقانە کریاوە.
جە مەنتیقەو گرکێ لەگێنە شارەوانی گەلی مەراسیمێوەشا ۋەروودەم و بیناو شارەوانیەنە سازکەرد. جە مەراسیمەکەنە بە دەیان کەسۍ جە ئەرەنیشتا مەنتیقەکەی بەشدارۍ بێنۍ. جە مەراسیمەکەنە پەیام ۋنریاوە و دماتەر بەشدارا مەراسیمەکەی دەوروو ئایرەکەیرە هۊرپڕۍ و زەماۋنەشا گێڵنا.
شاروو تەبقایچەنە مەراسیمێوە جە ناوەنڎوو یۊبیەی وەرزشی کانتۆنوو تەبقاینە سازکریا. جە مەراسیمەکەنە بە دەیان کەسۍ جە ئەرەنیشتا کانتۆنەکەی، نوێنەرا ئیدارەو ۋێڕاوەبەری دیموکراتیکی، ئەنجومەنە سەروازییەکا، پارتوو سوریای ئاینڎەی و جمیەروو ژەنا و گەنجا بەشدارۍ بێنۍ.
ئەڎایا گەشمەرڎا و نوێنەرا ئیدارەو ۋێڕاوەبەری دیموکراتیکی ئێروو نەورۆزیشا کەردۆ.
مەراسیمەکە بە گێڵنای زەماۋنۍ و هۊرپڕای دەوروو ئایرەکەیرە دمایش پنە ئاما.
