جە هەڵەبجە دژوو ئەرەمەرزناو ١٨ فەرمانبەرا بە نھېنی گلېرۊبیەی ئەنجامدریا
ئارۊ، ۋەرودەمو بیناو ڕاۋەبەری چەمڎاری و گەشەپنەدای كۊمەڵایەتی هەڵەبجەینە، دژوو ئەرەمەرزناو ١٨ فەرمانبەرا، بەرشیۍ ئەرەنەمەرزیۍ گلېرۍ بیێۋەو ناڕەزایشا بەربڕی.
دژو ئەرەمەرزناو ١٨ فەرمانبەرا بەشێۋێۋە شاراوە، بەرشیۍ ئەرەنەمەرزیۍ جە پارێزگاو هەڵەبجەینە گلېرۍ بیێۋەو ناڕەزایشا بەربڕی و ئەرەیاۋناشا؛" ئا ڕێژەكەمەیی جە ئەرەمەرزیای پۍ شارەكەی کە جاروبار کریۊ، جە لایەن و پارتەکاوە گەمەش پنەکریۊو، بەشێۋێۋە یەكسان مەلۊ ڕاۋە.
ئارۊ، ۋەرودەمو بیناو ڕاۋەبەری چەمڎاری و گەشەپنەدای كۊمەڵایەتی هەڵەبجەینە، دژوو ئەرەمەرزناو ١٨ فەرمانبەرا، بەرشیۍ ئەرەنەمەرزیۍ گلېرۍ بیێۋەو ناڕەزایشا بەربڕی ، داواشاکەرڎ ئەرەمەرزناکەی ھورشېۋیۊۋە.
بەرشیۍ ئەرەنەمەرزیۍ ۋاتشا:" ئا ڕێژە كەمەیچە کە قەرارو ئەرەمەرزنایش پۍ دریۊ جە لایەنو ۋەرپەرسا و كەسە حیزبیەكاوە مماتەڵەش پۊوە کریۊ، فرە بەناشەفافی ملۊڕاۋە، بەتایبەت ئی ئەرەمەرزناو ڕاۋەبەرایەتی ھەرمان و کارو ڕائاورڎەی پیشەیی.
ئەرەیاۋناشا، بەحیچ جۊرۍ بێدەنگۍ مەبا جە ۋەران ۋەر بە پاشێلكەرڎەو مافەكاشا كە کریۊ ۋەران ۋەرشا و واتشا:" گرڎ ڕێۋە فشاری كریێنۊ ۋەردەمشانە، پۊکەی داواكارمۍ جە زوتەرین ۋەختەنە پرۊسەو ئەرەمەرزناکەی ھورشنیۊۋە".
بەشڎارا گلېرۊبیەکەی داواشاکەرڎ، جارێۋە تەر ئەرەمەرزناکەی جە ڕاو پیمەرو خاڵبەندیێۋە ڕۊشنیۊ ئەنجام بڎریۊ، جە ئەگەرو دما وستەو داواکاشا ۋەردەوامۍ با جە گلېرۊبیەی و چالاكیە مەڎەنیەكاشا، حەتا ھورگېرتەیۊ تەمامو مافەكاشا.
ھ . ش
