ئارۆ پەنجشممە، جە ڕاوەبەریی گردیی ڕۆنشۋیری و هونەری شاو هەڵەبجەی، ٨مین هەمامەو گوڵە هەناری دەسش پنەکەرد. 
جە سەرەتاو هەمامەکەینە خێرئامای مێمانەکان کریا و شۆنیشەرە گیانبەختکەردێ ئازدی ڕێزشان ونە گیریا.
دماتەر ڕاوەبەریی گردیی ڕۆنشۋیری و هونەری هەڵەبجەی، حەمەو حەمەسەعیدی، وەزیرو ڕۆشنۋیری، پارێزگارو هەڵەبجەی و چەنڎین کەسۍٚ تەرۍٚ وتارێشان دێ و جەمیانشانە باسشان جە گرنگی هەمامەکەی کەرد.
شۆنیشارە دەلیل جەمال و سەرکەوت ڕەسوڵ دوێ شیعرێشان واناێوە.
دماتەر ئیبراهیم هەورامانی شاعیر وخاوەنو ۋیرەکڵەو سازگەردەی هەمامەکەی، خەڵات کریا.
دماتەر گروپو (یەسنا) و گۆرانیواچ گۆران ئەمێکیر چەنڎ بەرهەمێ هونەریێشان پێشکەشۍٚ کەردۍٚ.
بڕیارەن بەشی دووەمو هەمامەکەی سەعات ١٦:٠٠و عەسر (پەسین)ی دەسپنەبکەرانێوە و تا ئێوارەگا بەردەۋامێ ببانێ.