جە پانیشتوو فەڕەنساینە، هەرمانەکێ پەی ورچنیەی بێ مرڎای ملا ڕاوە. پەرێ هەرمانەکاو ورچنیەی جە شارەکاو مارسیلیای و بۊردویکسی کریێ و هیزیچ جە ماریگناننە سەرەمڕێ بێنێ.

کۊبییەیۊکەی جە هۊڵوو شارەوانیی ماریگنانی بە دەیەقێوە ڕێزگێرتەی جە گەشمەرڎا دەسش پەنە کرد. دماتەر "ڕەمزی کارتاڵ" هامسەرۊکوو کۊنگرەو گەلی واچێوەش پێشکەش کەرد و واتش، "حەچی جە دەسوو حەرکەسی بێ چی پڕۊسە و قۊناغەنە کەرۊش. جە کوردساننە، چێگە جە ڕاو تەلەفۊنیوە بۊ مشۊم هەرمانەو ڕێکوستەی کریۊ. پێویسا هامپەیمانیی فاشیستیی ئاکەپە – مەهەپەی دماییش بێ. پێویسا جە گرڎوو شۊنەکانە هەرمانەی گەورێ کەرمێ و جوابدەرەوێ بیمێ".

کارتاڵ ئاماژەش بە گۊشەگیریی تندوو سەروو ڕابەروو گەلوو کورڎی "عەبدوڵا ئۊجالان"ی کەرد و واتش، "ورچنیەی ئی جاری ورچنیایێ تاریخین، ورچنیەێن، کەمتاوۊ گرڎوو ڕاوەبەری و ئاڕاستەکا فاڕۊ. مشۊم گەلەکەما پێسە ورچنیەیێ ئاسایی تەماشەش نەکەرۊ. چی ورچنیەینە ئێمە چند بە قووەتۊ پەشتیوانی جە حیزبەکەو وێما کەرمێ، پا ئەندازەیچە متاومێ ئاسانتەر گۊشەگیری ماڕمێ و دمایی بە هجوومە کیمیاوییەکا بارمێ. پێویسا گەلەکەما بە ڕۊح و ئیراڎەو پشتیوانیکەرڎەی جە گەریلای و ڕێبەرایەتیوە چی ورچنیەیە نزیک بۊوە. ئێمە ئی بلۊکە فاشیستەیە ماڕمێ و سەرکەوتەی هامپەیمانیی ڕەنج و ئازاڎی مسۊگەر کەرمێ."

کۊبییەیۊکە بە دروشموو 'بژیوۊ سەرۊک ئاپۊ'، 'بژیوۊ مدرامانوو گەریلای' دماییش ئاما.

س.ز